თვეზე მეტია, ოზურგეთის პოლიციაში, რამდენიმე ადგილობრივის წინააღმდეგ თაღლითობის მუხლით ძიება მიმდინარეობს.

ამ ადამიანებს მოქალაქეები. თაღლითური გზით, თანხების გამოძალვასა და მითვისებაში დანაშაულებენ. საუბარია ასეულობით დაზარალებულზე, რომლებსაც თაღლითები ავია ბილეთების შეძენასა და საზღვარგარეთ ლტოლვილის სტატუსის მინიჭების გარანტიის მიცემით დიდძალ თანხებს სძალავდნენ.

მიუხედავად უამრავი მტკიცებულებებისა, გამოძიება, არანაირ ქმედით ღონისძიებებს არ ატარებს, რაც დაზარალებულებს უჩენს საფუძვლიან ეჭვებს, რომ ოზურგეთის პოლიცია და პროკურატურა ამ თაღლითურ ჯგუფს მფარველობს.

მიუხედავად იმისა, რომ დაზარალებულთა უფლებების დაცვას რამდენიმე დღეა შეუდგა – დაახლოებით იგივე პოზიციაზეა, დაზარალებულთა ადვოკატი, გოჩა ძიმისტარაშვილი.

რედაქცია, ადვოკატს, გოჩა ძიმისტარიშვილს დაუკავშირდა და თხოვა გაეცნო საზოგადოებისათვის, თუ რა ეტაპზეა დღეს საქმე და როგორ მიდის გამოძიება:

“გურიის სამხარეო პოლიციის დეპარტამენტში მიმდინარეობს წინასწარი გამოძიება თაღლითობის მუხლით, რომელშიც   ჩემი დაცვის ქვეშ მყოფი პირი მადლენა კუპრაშვილი რამოდენიმე კვირის წინ იქნა გამოკითხული, თუმცა მხოლოდ  სულ ახლახან კერძოდ მიმდინარე წლის 04 ივლისს მოხდა მისი დაზარალებულად ცნობა. დაზარალებული მადლენა კუპრაშვილი ემიგრაციაში ყოფნის დროს – როგორც თავად აცხადებს  და ეს დასტურდება ჩვენს მიერ მოპოვებული უტყუარი მტკიცებულებებით (მტკიცებულებათა ბუკეტით) –  გახდა დანაშაულებრივ-თაღლითური ჯგუფის ლელა ნაცვალაძის და მისი მეუღლის ავთანდილ ქავზინაძის მსხვერპლი.

მიუხედავად იმისა, რომ  საქმეში არსებობს აბსოლიტურად უტყუარი მტკიცებულებები, რათა ზემოთ დასახელებული პირების მიმართ დადგეს გამამტყუნებელი განაჩენიც კი, ბრალდების მხარეს, ლელა ნაცვალაძისა და ავთანდილ  ქავზინაძის მიმართ ბრალდებებიც კი არ აქვთ წაყენებული, რაც კანონის უხეშ დარღვევას წარმოადგენს, არადა სულ ახლახან მხოლოდ ერთი მტკიცებულების, იგიც ირიბი მტკიცებულებების საფუძველზე მოხდა ერთი პირის მიმართ არათუ  ბრალის წაყენება, არამედ მისი ციხეში გაშვებაც კი და როცა დავსვი შეკითხვა რატომ ხდება ასეთი რამე-მეთქი, მიპასუხეს, „გვაცალეთ და მაგათაც დავიჭერთო“, ერთ ქართულ კინოში რომაა ზუსტად ისე  „გვაცალეთ, ბატონო გვაცალეთო“.

მოკლედ რომ ვთქვათ საქმე გვაქვს ორმაგ სტანდარტთან, როცა უნდათ, მაშინ სულ რაღაც ერთი,, ისიც ირიბი მტკიცებულების საფუძველზე ადამიანს უშვებენ ციხეში და როცა არ უნდათ, მაშინ ბრალსაც კი არ უყენებენ, მიუხედავად იმისა, რომ საქმეში მტკიცებულებათა ბუკეტი არსებობს, მაგალითად რამოდენიმე სატელეფონო ჩანაწერი, სადაც ლელა ნაცვალაძე თავადვე აღიარებს, რომ ის მოქმედებდა სხვისი სახელითა და გვარით, რომ ის იყო თითქოს შუამავალი და მოქალაქეებიდან მიღებულ თანხებს უგზავნიდა ავია თუ ტურისტულ კომპანიებს, რომლებმაც ჟარგონი რომ ვიხმაროთ-ვითო-ვითომ თავადაც გადააგდენ, არადა სრულიად მარტივია გამოძიებამ მოიძიოს ინფორმაცია იყო თუ არა  საბანკო გადარიცხვები მათგან და რა ოდენობის იმ კომპანიებში, რომლებსაც ესენი ასახელებენ, უფრო მეტიც, მსგავსი შეკითხვაც კი არ არის დასმული გამოძიების მიერ ლელა ნაცვალაძისა და ალექსანდრე ქავზინაძის მისამართით.

ჩვენს მიერ ასევე მიწოდებულია გამოძიებისათვის  ინფორმაცია ჩვენთვის დღეის მდგომარეობით ცნობილი იმ  ყალბი ფეისბუკ გვერდების შესახებ, რომლებსაც ეს ორი ადამიანი და კიდევ ერთი, კერძოდ ლელა  ნაცვალაძის ახლო ნათესავი ს. ღ.  იყენებდნენ ადამიანების ფულების თაღლითური გზით დატაცებისა და მითვისების მიზნით.

ამ ფეისბუკ გვერდებსა თუ საიტებს ხან ერქვა, ლოლიტა ლოლიტა, ლოლაძე, თათ იაააა, Nini Nino, ლტოლვილთა უფასო დახმარება, გარანტი თრეველი, ვიზიარის იაფი ბილეთები და კიდევ ვინ იცის რამდენი და მიუხედავად ყველაფრისა, მაშინ, როცა გამოძიებას ჩვენ მივაწოდეთ “დაღეჭილი” ინფორმაცია ბრალდების მხარე მაინც გაიძახის, „გვაცალეთ, ბატონო გვაცალეთო“.

ახლა აქვთ პროცესის გაჭიანურების მიზეზად-ხმის ექსპერტიზას ველოდებითო, არადა ხმის ექსპერტიზა რომც არ იყოს, მის გარეშეც საქმეში ისედაც იმდენი უტყუარი მტკიცებულებები დევს, რომ ე.წ “ბრწყინვალე ტროიკა”-ლელა ნაცვალაძის, ავთანდილ ქავზინაძისა და ს. ღ-ის შემადგენლობით, დღემდე ათჯერ მაინც იქნებოდნენ გასამართლებულები, ესენი კი, მხედველობაში მყავს პოლიცია და ადგილობრივი პროკურატურა მათ ბრალსაც კი არ უყენებენ, რითაც როგორც ზემოთ მოგახსენეთ, აშკარად არღვევენ ჩემი დაცვის ქვეშ მყოფი პირის მადლენა კუპრაშვილის, ასევე ჩემი დაცვის ქვეშ მყოფი პირების ნინი ზაქარაშვილისა და  მარიამ კახელაშვილის კანონიერ ინტერესებს (ცნობისათვის, ნინი ზაქარაშვილი და მარიამ კახელაშვილი, რომლებსაც ასევე ფულები გამოგლიჯეს ზემოთ დასახელებულმა “ბრწყინვალე ტროიკამ”,  დღეის მდგომარეობით იმყოფებიან საზღვარგარეთ და მთელი რიგი საპატიო მიზეზების გამო ამ ეტაპისათვის ვერ ახერხებენ საქართველოში ჩამოსვლას).

აქვე მინდა დავამატო კიდევ ერთი რამ. ზემოთ დასახელებული პირების კრიმინალური ქმედებების  მამხილებელი სიუჟეტები არაერთხელ გაშუქდა ტელევიზიებისა თუ პრესის საშუალებით, ეს საქმე უკვე გახდა რეზონანსული, თუმცა გამოძიება ჯიუტად თითქმის არაფერს არ აკეთებს. მე, მაგალითად და ჩემსავით კიდევ ბევრი ადამიანი, ვინც ახლოსაა ამ საქმესთან, დარწმუნებულები ვართ იმაში, რომ რაც არ უნდა გააჭიანუროს გამოძიებამ საქმე – ზემოთ დასახელებული პირები მაინც აგებენ პასუხს იმ დანაშაულობებისათვის, რაც მათ ჩაიდინეს ათობით საქართველოს მოქალაქის მიმართ.

მაგრამ ისმის კითხვა, რატომ, აი ამ წუთისათვის ზემოთ დასახელებული პირები რატომ არ არიან სისხლის სამართლებრივ პასუხისგებაში მიცემულნი და ეს მაშინ, როცა საქმეში მტკიცებულებათა მთელი ბუკეტი არსებობს.

ათობით ადამიანი სრულიად სამართლიანად ითხოვს სამართალის აღსრულებას, ასე რომ გამოძიებამ კეთილი ინებოს და  დაუყონებლივ მისცეს ს.ს. პასუხისგებაში ზემოთ დასახელებული დანაშაულებრივი ჯგუფის წევრები, წინააღმდეგ შემთხვევაში იძულებული გავხდები და ეს მე კანონითაც მევალება მათი უკანონო ქმედებები გავასაჩივრო მთავარ პროკურატურაში, რადგანაც აშკარად იკვეთება, რომ ვიღაც-ვიღაცაები ადგილობრივ დონეზე ცდილობენ ხელი დააფარონ ამ დამნაშავე ჯგუფს’ აცხადებს ძიმისტარაშვილი.

ცნობისათვის:

გააზიარეთ და მოიწონეთ სტატია:

მსგავსი სტატიები:

ქეთი კვაჭანტირაძე “მას და მის ქმარს ავტომანქანა ,,მივყიდეთ”, 5 წელი გავიდა ,არც მანქანა ჩანს და არც თანხა” ე.წ. “ლელა ნაცვალაძე – სოფიო ღლონტის” საქმეზე ოზურგეთის პოლიციამ გამოძიება “თაღლითობის” მუხლით დაიწყო “გაიჩეხება კოლხური მუხა, ნაძვნარი, წაბლნარი”-ვინ და რატომ შემოუტია გურიას? რომელ სოფლებში ჩატარდება დღეს მოსახლეობასთან შეხვედრები ლანჩხუთის სოფლებში კორონავირუსზე სწრაფი ტესტირება დაიწყო ოზურგეთი-სამტრედია, გუშინდელი თამაში ფრედ დასრულდა “მაცივრის, სკამების გამოტანა მოასწრეს” – რას წერს ერთ-ერთი ადგილობრივი ნაგომარში გაჩენილ ხანძარზე ამონარიდი გურიის რესპუბლიკიდან-ირაკლი მახარაძე