ისრაელში დაღუპულთა რიცხვი, სულ მცირე, 900-მდე გაიზარდა. ამის შესახებ ინფორმაცია ისრაელის სამხედრო რადიომ გაავრცელა.
ღაზის სექტორიდან ჰამასის ისრაელზე მოულოდნელი თავდასხმა 7 ოქტომბერს, ადგილობრივი დროით დილის 7 საათზე დაიწყო, როცა ისრაელის მიმართულებით ტერორისტებმა ასობით რაკეტა ისროლეს, პარალელურად კი სამხრეთით მდებარე ქალაქებში შეიჭრნენ.
თავდასხმა ერთდროულად ხმელეთიდან, ზღვიდან და ჰაერიდან განხორციელდა. ისრაელისთვის ეს სრულიად მოულოდნელი აღმოჩნდა.
თავდასხმის თარიღამდე ერთი დღით ადრე შესრულდა იომ კიპურის ომის (ეგვიპტისა და სირიის ისრაელზე თავდასხმის) 50 წლისთავი – ექსპერტების ნაწილი მიიჩნევს, რომ ეს შემთხვევითობა არ არის.
ჰამასის ტერორისტებმა დახოცეს ისრაელის ასობით მოქალაქე, მათ შორის, ქალები, ბავშვები და მოხუცები.
ტყვედ აიყვანეს ისრაელის ჯარისკაცები და სამოქალაქო პირები. ტერორისტები ტყვეებს, მათ შორის, ბავშვებს არაადამიანურად ეპყრობიან. მათი ნაწილი ღაზის სექტორში ბრბოს თვალწინ, აღლუმით ჩამოატარეს და ვიდეოები გაავრცელეს.
საპასუხოდ ისრაელმა ჰამასის წინააღმდეგ ანტიტერორისტული ოპერაცია “რკინის ხმლების” დაწყება გამოაცხადა და ტერიტორიების გათავისუფლებასთან ერთად ღაზის სექტორზე სარაკეტო იერიშების მიტანა დაიწყო.
8 ოქტომბერს ისრაელმა საომარი მდგომარეობა ოფიციალურად გამოაცხადა. პრემიერმინისტრი ნეთანიაჰუ ამბობს, რომ ჰამასი “ძლევამოსილი შურისგებისთვის” უნდა მოემზადოს. ღაზის სექტორში მცხოვრებლებს ისრაელი ტერიტორიის დატოვებისკენ მოუწოდებს.
მსგავსი სტატიები:
რა წერია წერილში, რომელიც გიორგი გახარიამ აშშ-ს პრეზიდენტს მისწერა
თურნავა: “საქართველოს ეკონომიკა ცოცხლდება და ვითარდება”
სოფლის მეურნეობაში 7 მილიარდი ლარი დაიხარჯება – მთავრობის 10-წლიანი გეგმა
გახარია ღარიბაშვილზე: სამარცხვინოა, როცა ქვეყნის პირველი პირის სახით ოცნება განაცდა
პლასტიკის პარკების აკრძალვა შემსუბუქდა – რომელ პარკებზე არ გავრცელდება შეზღუდვები
უკრაინამ გერმანიას თავდაცვითი იარაღის მიწოდების თხოვნით მიმართა
რუსული არმია დასავლურ იარაღს „თხილივით აწკაპუნებს“ – პუტინი
წელზე მეტია, სასჯელს იხდის და ყოველდღე ახალი დიაგნოზი გვესმის – ცაგარეიშვილი სააკაშვილზე