იმას, რასაც რადიკალური ოპოზიცია ითხოვდა და რასაც ვეტოთი ითხოვს პრეზიდენტი, ანალოგი არ ჰყავს ევროკავშირის არცერთ განვითარებულ ქვეყანაში – საქართველოს დღეიდან ისეთი საარჩევნო ადმინისტრაცია და კანონმდებლობა ექნება, როგორიც ევროკავშირის წამყვან ქვეყნებს აქვთ, – ამის შესახებ პარლამენტის ვიცე-სპიკერმა არჩილ თალაკვაძემ “საარჩევნო კოდექსში” შესატან ცვლილებებზე პრეზიდენტის ვეტოს თაობაზე ჟურნალისტებს განუცხადა.
მისი თქმით, პრეზიდენტმა ვეტო დაადო იმას, რომ საქართველოს საარჩევნო სისტემა ყოფილიყო დაცული და თავისუფალი პარტიების და პოლიტიკური ჩარევისგან.
“ვეტოს ჩვენ ვუპასუხებთ დღეს, პარლამენტში, მაგრამ მინდა მოსახლეობას ვუთხრა, რას დაადო ვეტო ქალბატონმა სალომე ზურაბიშვილმა – ვეტო დაედო იმას, რომ საქართველოს საარჩევნო სისტემა ყოფილიყო დაცული და თავისუფალი პარტიების და პოლიტიკური ჩარევისგან; რომ არჩევნები არ იყოს ყოველ 6 თვეში პოლიტიკური ვაჭრობის საგანი და რომ ხმები, რომელსაც თქვენ აფიქსირებთ არჩევნებზე, არანაირი მანიპულაციის სუბიექტი არ გახდეს. ეს იყო ჩვენი მიზანი რატომაც მივიღეთ კანონი, რომ საქართველოს არჩევნები მომავალში აღარასდროს გახდეს სპეკულაციის საგანი და ვერავინ გამოუცხადოს მას ბოიკოტი, საბოტაჟი და არავინ მიაყენოს ჩრდილი ჩვენი ქვეყნის დემოკრატიულ არჩევნებს. ამისთვის მივიღეთ ეს კანონი”,- განაცხადა არჩილ თალაკვაძემ.
ამასთან, როგორც თალაკვაძემ აღნიშნა, “ვენეციის კომისიის რეკომენდაციებში საუბარი არაა იმ მოდელზე, რასაც ოპოზიცია ითხოვს”.
“არც ასეთი რეკომენდაცია არ აქვს ვენეციის კომისიას, ეს მოდელი შემოიტანეთ, რასაც ახლა რადიკალური ოპოზიცია გვთავაზობთ და რასაც ვეტოში ასაბუთებს სალომე ზურაბიშვილი. ვენეციის კომისიამ გვითხრა, შეთანხმდით დემოკრატიულ მოდელზე საერთაშორისო გამოცდილებაზე დაყრდნობით. სწორედ ამ შეთანხმებას უთხრის ძირს რადიკალური ოპოზიცია. მათ არ უნდათ შეთანხმდნენ იმაზე, რაზე შეთანხმებულია მთელი ევროპა. არა უშავს, გავაგრძელებთ ჩვენს საქმეს და საქართველოს ექნება ისეთი საარჩევნო ადმინისტრაცია როგორც ევროკავშირშია”, – განაცხადა არჩილ თალაკვაძემ.
შეგახსენებთ, რომ მმართველი გუნდი “საარჩევნო კოდექსში“ შეტანილ ცვლილებასთან დაკავშირებით პრეზიდენტის ე.წ. მოტივირებული შენიშვნების განხილვას დღევანდელ პლენარულ სხდომაზე გეგმავს.
საკითხი დღის წესრიგში ასახულია.
პრეზიდენტ ზურაბიშვილის მიერ წარდგენილ ვეტოზე პარლამენტის იურიდიულ საკითხთა კომიტეტმა უკვე იმსჯელა და მას მხარი არ დაუჭირა.
მსგავსი სტატიები:
მდიდრული ურნები და შიმშილით სავსე ქალაქი-ფოტოები
“იდგა კედელი და ფიქრობდა:” ერთი ამათი”-ლექსით გამოხმაურება უცნობის აქციას
ევროპა ვაქცინირებულთათვის საზღვრების გახსნას აპირებს – ისარგებლებენ თუ არა ამ უფლებით ქართველები
30-იანი წლები რომ იყოს დღეს ჟურნალისტების 90 % დახვრეტა არ აცდებოდა – ლიხაურის ეკლესიის წინამძღოლი
მიშა, ტაშს გიკრავ, ბრძოლა ბოლომდე! – მამის მიმართვა სააკაშვილს
“როცა ასაკში ხარ, თავშესაქცევი და სიმშვიდე გჭირდება, აქ კი ამისთვის ყველაფერია”
თითქმის ერთი კვირაა, როკის გვირაბი დაკეტილია – ფქვილის და საწვავის მარაგი იწურება
ბიძინა ივანიშვილი დიდხანს ცდილობდა ჩემს შენარჩუნებას – გია ხუხაშვილი