მხოლოდ რუსული კანონი არ არის პრობლემა, პრობლემა რუსული მთავრობაა – ზურაბიშვილი

პრეზიდენტ სალომე ზურაბიშვილის თქმით, მხოლოდ რუსული კანონი არ არის პრობლემა, პრობლემა რუსული მთავრობაა, რომელსაც ქვეყანა რუსეთისკენ მიჰყავს.

ამის შესახებ ზურაბიშვილმა გერმანულ გამოცემა Deutsche Welle-სთან  ინტერვიუში განაცხადა.

“მთავრობა ცდილობს, წარმოაჩინოს საქართველოს პარტნიორები რევოლუციის აგენტებად, რადგან მიაჩნია, რომ მის ჩამოგდებას ცდილობენ, მაგრამ ჩუმად არიან რუსეთზე, თითქოს, ისაა ჩვენი ახალი მეგობარი. ასე რომ, მხოლოდ რუსული კანონი არ არის პრობლემა, პრობლემა რუსული მთავრობაა, რომელსაც ეს ქვეყანა რუსეთისკენ მიჰყავს.

მოსახლეობის უდიდესი ნაწილი სწორედ ამას აპროტესტებს. მათ მიიღეს რამდენიმე კანონი, მათ შორის ერთი – ოფშორს ხდის საქართველოს სანქცირებული რუსი ოლიგარქებისთვის. ეს უკიდურესად შემაშფოთებელია და ვფიქრობ, რომ ჩვენმა ევროპელმა პარტნიორებმა სწორი ზომები უნდა მიიღონ იმაზე, რაც აქ ხდება. ვიდრე არჩევნებამდე რთულ გზას გავივლით, მათი მხრიდან ყურადღება გვჭირდება”, – აღნიშნავს ზურაბიშვილი.

ცოტა ხნის წინ, სალომე ზურაბიშვილმა ოფშორების კანონს ვეტო დაადო. ინფორმაცია ამის შესახებ პრეზიდენტის ადმინისტრაციამ გაავრცელა.

ადმინისტრაციის განცხადების მიხედვით, პარლამენტს ცვლილებები საგადასახადო კოდექსში “მოტივირებული შენიშვნებით” დაუბრუნდება.

გააზიარეთ და მოიწონეთ სტატია:

მსგავსი სტატიები:

საქართველოს, გარკვეულ პერიოდში, სადისტური მმართველობა ჰყავდა – ვოლსკი ლელა ჯეჯელავა – ვაშინგტონში კობახიძის ვიზიტი „ოცნებას“ სასიკეთოს არაფერს უქადნის Novavax-ის ვაქცინა წარმატებით უმკლავდება ამ დროისთვის არსებულ რვავე შტამს ბათუმის დინამო ისტორიაში პირველად საქართველოს ჩემპიონი გახდა წულუკიანია ხატიც და შინაარსიც ყოვლისმომცველი და არაფრისმთქმელი ქოცისა-დევდარიანი თბილისში 3 ადამიანი დაჭრეს – სისხლიანი დაპირისპირების ახალი დეტალები ”მიხეილ სააკაშვილის ხორცი არ არის სამარხვო და შობის მარხვაში ნუ შეჭამთ!..ძალიან მეტკინა, რაც ვნახე” “გეპარდები”, დრონები, საარტილერიო ჭურვები – გერმანიამ უკრაინას ახალი სამხედრო დახმარება გაუგზავნა