პრემიერმინისტრი ირაკლი კობახიძის განცხადებით, 50 000 ლარი პრემია გადაეცემა ოლიმპიუური გუნდის ყველა წევრს, რომელსაც პარიზში მედალი არ მოუპოვებია. ასევე პრემიებს მიიღებენ მწვრთნელები, სამედიცინო პერსონალი, სხვა პერსონალი, რომელიც წარმოდგენილი იყო გუნდში.
ამის შესახებ კობახიძემ ოლიმპიელების დახვედრის ღონისძიებაზე განაცხადა.
“უნდა აღინიშნოს, რომ ჩვენს ოლიმპიურ გუნდს არ ჰყავდა არცერთი ნატურალიზებული სპორტსმენი. თქვენ ხედავდით, რომ არაერთი ქვეყანა ფონს გადიოდა სწორედ ნატურალიზებული სპორტსმენებით. ჩვენს შემთხვევაში, მთლიანად ჩვენი თანამოქალაქეები იყვნენ ჩვენი გუნდის წარმომადგენლები და ასეთ დროს, კიდევ უფრო მეტად არის დასაფასებელი ის წარმატება, რომელსაც ჩვენ მივაღწიეთ”, – განაცხადა კობახიძემ.
2024 წლის ზაფხულის ოლიმპიადაზე საქართველო 28 სპორტსმენით იყო წარმოდგენილი. გუნდმა კი თამაშებზე 7 მედალი მოიპოვა – სამი ოქრო, სამი ვერცხლი და ერთი ბრინჯაო.
ოლიმპიურ თამაშებზე ოქროს მედლის მოპოვებისთვის სპორტსმენს პრემიის სახით მილიონი ლარი გადაეცემა, ვერცხლის მედლის შემთხვევაში – 500 ათასი ლარი, ხოლო ბრინჯაოს მედლის შემთხვევაში – 250 ათასი ლარი.
მსგავსი სტატიები:
ზიმბაბვეს საგარეო საქმეთა მინისტრი კორონავირუსით გარდაიცვალა
“გირჩის” 7 მოთხოვნა – რა შემთხვევაში შევლენ პარლამენტში?
“ბილიკი იშლება და უკან დასაბრუნებელი გზა ქრება,გაჩერებულ სიცოცხლით გაქვავებულ ცხედარს ვაბრუნებთ სამშობლოში…”-საბერძნეთში ემიგრანტი გარდაიცვალა
ვიდეო: კონსტანტინე შარაშენიძე ოზურგეთის მოსახლეობას მიმართავს
რუსეთი ფინანსისტებს ქვეყნის დატოვების უფლებას უზღუდავს
“ჩვენი ურყევი სამშვიდობო პოლიტიკით, ჩვენს აფხაზ დებთან და ძმებთან ერთად გავაგრძელებთ ევროპული სახელმწიფოს მშენებლობას”- შალვა პაპუაშვილი
ჟურნალისტ ნატო გოგელიაზე თავდამსხმელი, ალტ ინფოს წევრი, ქუთაისის სააპელაციომ გირაოთი გაათავისუფლა
ვენაში მცხოვრებმა ქართველებმა რუსული კანონი და ხელისუფლების ანტიევროპული გეზი გააპროტესტეს