ჩეხეთის სენატი – მოვუწოდებთ ჩეხეთის მთავრობას, სანქციები დაუწესოს მათ, რომლებიც ჩართული იყვნენ საქართველოში აქციების ძალადობრივად დარბევაში

ჩეხეთის სენატი ჩეხეთის მთავრობას მოუწოდებს სანქციები დაუწესოს საქართველოში პროტესტების დარბევებში ჩართულ პირებსა და პოლიტიკურად მოტივირებულ მოსამართლეებს, – ამის შესახებ შესაბამისი რეზოლუცია ჩეხეთის პარლამენტის ზედა პალატამ, სენატმა მიიღო.

„ევროპარლამენტის დასკვნების გათვალისწინებით, რომ წინასაარჩევნო ზეწოლა, არჩევნების დღეს მანიპულაცია და დამკვირვებლების შეზღუდული წვდომა ნიშნავს, რომ არჩევნები არ ასახავს ქართველი ხალხის ნამდვილ სურვილს და, შესაბამისად, ვერ მიიჩნევა თავისუფლად და სამართლიანად, და, შესაბამისად, არჩევნების შედეგები არ უნდა იქნას აღიარებული საერთაშორისო საზოგადოების მიერ…

საქართველოს პრემიერ-მინისტრმა 28 ნოემბერს გამოაცხადა, რომ არ ეცდება ევროკავშირთან გაწევრიანების შესახებ მოლაპარაკებების 2028 წლის ბოლომდე გახსნას და, შედეგად, საქართველო ახლა კონსტიტუციურ და პოლიტიკურ კრიზისშია;

[სენატი] აღნიშნავს, რომ საქართველო ყოველთვის იყო გრძელვადიან პერსპექტივაში პრიორიტეტული ქვეყანა ჩეხეთის რესპუბლიკის საგარეო პოლიტიკაში;

[სენატი] მოუწოდებს ჩეხეთის რესპუბლიკის მთავრობას, სანქციები დაუწესოს პირებს, რომლებიც პირდაპირ იყვნენ ჩართული პროტესტების ძალადობრივად დარბევაში ან ამისთვის ბრძანებების გაცემაში, და ასევე განიხილოს ამ სანქციების გაფართოება მოსამართლეებზე, რომლებიც პოლიტიკურად მოტივირებულ განაჩენებს იღებენ. ყურადღება დაუთმოს სამოქალაქო საზოგადოებასა და მედიისთვის მხარდაჭერას საქართველოში ისეთ ვითარებაში, როდესაც მთავრობასთან ან პარლამენტთან თანამშრომლობის განვითარება არაა მოსალოდნელი;

[სენატი] მოუწოდებს სენატის პრეზიდენტს პრემიერ-მინისტრს შეატყობინოს ამ რეზოლუციის შესახებ“, – ნათქვამია რეზოლუციაში.

გააზიარეთ და მოიწონეთ სტატია:

მსგავსი სტატიები:

“პრობლემა წინა ხელისუფლებიდან მოდის, მაგრამ 8 წელი რას აკეთებდით მთავრობა”? მთავრობამ კომერციული ბანკებისგან 35 მილიონი ლარი ისესხა “რუსეთი “გვთავაზობს” ტრაქტატი-2-ის გაფორმებას და კონტექსტში იკითხება მუქარა, რომ ეს არის წინადადება “რომელზეც უარის თქმა არ შეიძლება”-ხუხაშვილი “საზიზღარი და ღრმად უპასუხისმგებლო” – იან კელი ღარიბაშვილის განცხადებაზე “სპეცოპერაცია გეგმის მიხედვით მიდის“–პუტინი ქობულეთში ახალგაზრდა მამაკაცი თანასოფლელმა მოკლა ევროკავშირმა ბელარუსის წინააღმდეგ სანქციების ახალ პაკეტი მოამზადა – Bloomberg 2024-ის არჩევნებზე მოხდება გარდამტეხი ცვლილებები, ამ ნაბიჯს ექნება სიმბოლო – ნომერი 4 – მელია