პოლიტიკური კრიზისის ფონზე, როგორ და ფორმით შესძლებს საქართველო ჩაერთოს შავი ზღვის რეგიონის ახალ სტრატეგიაში – შესაბამისი კითხვით „ევროსკოპმა” ევროკომისიის საგარეო ურთერთობებისა და უსაფრთხოების პოლიტიკის სპიკერს, ანიტა ჰიპერს მიმართა.
ევროკავშირის პასუხი ასეთია:
“როგორც ევროკავშირის უმაღლესმა წარმომადგენელმა განაცხადა პრესკონფერენციაზე შავი ზღვის რეგიონს სტრატეგიული მნიშვნელობა აქვს ევროკავშირისთვის. რეგიონის ქვეყნები აძლიერებენ კავშირებს ევროკავშირთან. უკრაინა და მოლდოვა მიისწრაფვიან ევროკავშირის წევრობისკენ. ასევე საქართველოც, თუ ის ევროკავშირის გზას დაუბრუნდება. შავი ზღვის სტაბილურობა არსებითია საქართველოს უსაფრთხოების, ვაჭრობისა და ენერგო-კავშირებითვის. ახალი სტრატეგია სთავაზობს პარტნიორ ქვეყნებს, საქართველოს ჩათვლით, წინადადებას, რომელიც დამოკიდებულია საერთო მიზნების ამოცანებისა და კოლექტიური პასუხისმგბელობის გაგებაზე. შავი ზღვის სტრატეგიის მთავარი არსი საერთო ღირებულებებზე დაფუძნებული სტაბილურობისა და მშვიდობის ხელშეწყობაა. პარტნიორმა ქვეყნებმა უნდა მოახდინონ ძლიერი პოლიტიკური ერთგულების დემონსტრირება ამ ამოცანების წინ წასაწევად. შესაბამისად, ასეთი პარტნიორობის ტრაექტორია და ფორმა დიდწილად დამოკიდებული იქნება საქართველოს მიდგომაზე და ერთგულებაზე. მნიშვნელოვანია აღინიშნოს, რომ გაფართოების პროცესი გაგრძელდება დამოუკიდებლად და ქვეყნის პროგრესი ევროკავშირისკენ მიმავალ გზაზე უწინდებურად გაფართოების პროცესის ფარგლებში შეფასდება.
მსგავსი სტატიები:
ფილტვების გასავარჯიშებლად ბუშტებითა და „საწრუპით“ ვვარჯიშობთ – ნინო წილოსანი
“ქვეყანაში უძრაობის, ჭაობისა და შმორის სუნი იტრიალებს, თუ…”
ტიკარაძე: ვაქცინაცია, ფაქტობრივად, არ გვიცავს ინფიცირებისგან
მედიამენეჯერები ღარიბაშვილს ურჩევენ, საკუთარი თავი გამოიკვლიოს
ხელვაჩაურის მერის მოადგილე თანამდებობიდან “ქორწინების გამო” გადადგა
მინდა პატივი მივაგო უკრაინელ და ქართველ დაღუპულ გმირებს, ისინი დამოუკიდებლობისა და თავისუფლებისთვის იბრძოდნენ – ზურაბიშვილი
4 სექტემბრის მონაცემებით, რუსულ აგრესიას უკრაინაში 503 ბავშვი ემსხვერპლა
რადოსლავ სიკორსკი: ახლა ევროპა უნდა დადგეს ქართველი ხალხის გვერდით
