საქართველო მიწვეული არ არის არაფორმალურ შეხვედრაზე, სადაც ევროკავშირის გაფართოების საკითხს განიხილავენ.
შეხვედრა ამჟამად ევროკავშირის თავმჯდომარე ქვეყნის, დანიის დედაქალაქში, კოპენჰაგენში, 1-2 სექტემბერს გაიმართება. არაფორმალურ შეხვედრაზე შეიკრიბებიან ევროკავშირის 27 წევრი სახელმწიფოს ევროპულ საქმეთა მინისტრები, უკრაინის, მოლდოვის, დასავლეთ ბალკანეთისა და თურქეთის წარმომადგენლებთან ერთად.
შეხვედრის მთავარი თემაა ევროკავშირის გაფართოების სხვადასხვა ასპექტი. შეხვედრის სახელწოდებაა „კოპენჰაგენიდან კოპენჰაგენამდე, კოპენჰაგენამდე“, რომელიც ეხება 1993 და 2002 წლებში დანიის ევროკავშირის თავმჯდომარეობას, კოპენჰაგენის კრიტერიუმებსა და 2004 წლის გაფართოებაზე მიღწეულ შეთანხმებებს.
„პირველი სამუშაო სესია ევროკავშირის გაფართოებისას კოპენჰაგენის კრიტერიუმების მნიშვნელობას დაეთმობა და მასში მონაწილეობას მიიღებენ უკრაინა, მოლდოვა, დასავლეთ ბალკანეთის პარტნიორები და თურქეთი.
მეორე სამუშაო სესიის დროს ევროკავშირის წევრი სახელმწიფოების მინისტრები ევროკავშირის კანონის უზენაესობის ინსტრუმენტების გაძლიერებას განიხილავენ.
შეხვედრა დასრულდება სამუშაო სადილით, რომელიც შეეხება ევროკავშირის გაფართოებისთვის მზადებას, მათ შორის შიდა რეფორმების გზით“, – ნათქვამი არაფორმალურ შეხვედრის შესახებ გავრცელებულ პრესრელიზში.
როგორც დანიის საგარეო საქმეთა სამინისტროში „ინტერპრესნიუსს“ განუცხადეს, მიზეზი, რის გამოც საქართველო შეხვედრაზე მიწვეული არაა, „ქართული ოცნების“ ხელისუფლების გადაწყვეტილებაა, რომ 2028 წლამდე ევროკავშირში ინტეგრაციის პროცესი შეაჩეროს. .
„2024 წლის ნოემბერში საქართველოს მთავრობამ განაცხადა, რომ ქვეყნის ევროკავშირში ინტეგრაციის პროცესის 2028 წლამდე შეჩერება გადაწყვიტა. ევროკავშირმა ეს გაითვალისწინა. დანიის მხრიდან [ევროკავშირის საბჭოს] თავმჯდომარეობა პოლონეთის თავმჯდომარეობის დროს შექმნილ პრეცედენტს მიჰყვება და, ზოგადი წესის მიხედვით, საქართველოს კანდიდატი ქვეყნის სტატუსით არ მოიწვევს“, – აცხადებენ დანიის საგარეო საქმეთა სამინისტროში.
მსგავსი სტატიები:
ავარია ოზურგეთში-ფოტოამბავი
“ტკივილები ჰქონდა ძლიერი, იმიტომ რომ სახის ძვლები ჰქონდა ჩამტვრეული”
“მთავარის” ინფორმაციით, ზუგდიდიდან ბათუმში სპეცრაზმი გადაიყვანეს
ჩიბათის საჯარო სკოლის მოსწავლე, ევროკავშირის დაფინანსებით შექმნილი მოძრავი სახალხო უნივერსიტეტის მონაწილეა
რომ არ მოსულიყო ბიძინა ივანიშვილი, დღეს ქვეყანა აღარ იქნებოდა, აქ მოაწყობდნენ მეორე მარიუპოლს – ღარიბაშვილი
ოზურგეთში 84 წლის ქალბატონი ყელგამოჭრილი ნახეს – სუიციდი თუ მკვლელობის მცდელობა?
“სალომე ზურაბიშვილი საბოლოოდ გათავისუფლდა ბიძინას კომპლექსისგან”
“თქვენ უნდა გადადგეთ” – ბუღაძე საზმაოს დირექტორს
