“ეს ყველას შეეხება, ყველა ან ციხეში ან ფსიქიატრიულში ვიქნებით, თუ პროტესტი გაჩერდა”- ამის შესახებ დაპატიმრებული პედაგოგი, ნინო დათაშვილი ციხიდან გამოგხავნილ წერილში წერს.
სამოქალაქო აქტივისტი, მოქალაქეებს სოლიდარობისთვის მადლობას უხდის და იქვე აღნიშნავს, რომ სახელმწიფო მანქანა ვერ გაჭყლეტს ვერც ინდივიდებს და ვერც საქართველოს ხალხს.
“ყველას დიდი მადლობა გამოხმაურებისთვის და მხარდაჭერისთვის! ყველას გიყურეთ, ყველანი მიყვარხართ. ძალიან სწორად აფასებთ, რაც მე სახელმწიფო მანქანამ დამატეხა თავს. ეს ყველას შეეხება, ყველა ან ციხეში ან ფსიქიატრიულაი ვიქნებით, თუ პროტესტი გაჩერდა. მანქანა ვერ გაგვჭყლეტს ვერც ინდივიდებს და ვერც საქართველოს ხალხს. სადაც უნდა ვიყო, ყველგან დავამტკიცებ ჩემს სიმართლეს! #ამჯერად გავიმარჯვებთ სახელოვნად!”- აღნიშნავს ნინო დათაშვილი.
სამოქალაქო განათლების მასწავლებელი, ნინო დათაშვილი 20 ივნისს დააკავეს. მას ბრალად ედება საჯარო მოხელეზე თავდასხმა სამსახურებრივი მოვალეობის შესრულებისას.
პროკურატურის შუამდგომლობით, სასამართლომ დათაშვილს ფსიქიატრიული ექსპერტიზა დაუნიშნა. ადვოკატების თქმით, იმ შემთხვევაში, თუ დათაშვილი ექსპერტიზაზე უარს იტყვის, გამოყენებული იქნება იძულების ზომები.
სამოქალაქო საზოგადოება და პროფესიული კავშირები ფაქტს რ წამების ტოლფას ქმედებად აფასებენ.
- ორგანიზაცია პარტნიორობა ადამიანის უფლებებისთვის (PHR) წერს, რომ ნინო დათაშვილის ფსიქიატრიულ დაწესებულებაში მოთავსება მიზნად ისახავს პედაგოგის დისკრედიტაციის მცდელობას და ადამიანის უფლებათა ევროპული კონვენციის თანახმად, მიჩნეულია წამებად.
ამასთან, მასწავლებელთა პროფესიული ჯგუფი განცხადებით მიმართავს დიპლომატიურ წარმომადგენლობას.
მსგავსი სტატიები:
ხელისუფლება წავა ყველაფერზე, გარდა რიგგარეშე არჩევნებისა – ლაგაზიძე
“დიახ, 10-15 წლის წინ ჰესის აშენების მომხრე ვიყავი, მაგრამ არასდროს ასეთ პროექტს არ დავამტკიცებდი”
მწეველებს კორონავირუსის საწინააღმდეგო ვაქცინებზე შეიძლება დაბალი იმუნური რეაქცია ჰქონდეთ – იაპონელი მკვლევრები
“საერთოდ არ მეშინია ამათი.პირიქით,ჩემი ბრძოლის ხალისი და გამარჯვების რწმენა იზრდება”-მიხეილ სააკაშვილის პირველი მიმართვა რუსთავის ციხიდან
“ჩვენ მომავალშიც დავუჭერთ მხარს უკრაინას…როგორც პოლიტიკური, ისე პრაქტიკული კუთხით”– პრემიერი
ივანიშვილმა წელს 600 მილიონი დოლარი დაკარგა – მერამდენეა 500 უმდიდრეს ადამიანთა სიაში ყოფილი პრემიერი
”ამან იცის ნეტა ”ლანჩხუთის გურია” გადარჩენისთვის რომ იბრძვის, არსებობა რომ არ შეწყვიტოს 100 წლის მერე?!”
BBC: რუსეთის მხარეს დაღუპული მებრძოლების რიცხვი 70 000-ს აღწევს
