“საქართველოში ვითარება უკიდურესად რთულია – “ოცნება” სულ უფრო ანტიამერიკული და პრორუსული გახდა” – ამის შესახებ საქართველოს მე-5 პრეზიდენტმა, სალომე ზურაბიშვილმა აშშ-ის ჰელსინკის კომისიაში საქართველოს შესახებ მოსმენისას განაცხადა.
მისი თქმით, “ქართული ოცნების” ლიდერები აქტიურად აღრმავებენ კავშირებს, უპირველეს ყოვლისა, რუსეთთან – აკოპირებენ რუსეთის ლიდერების რიტორიკას, ჩინეთთან და ირანთან.
”არ მინდა საქართველოში ვითარების აღწერაზე საუბარი. ყველამ ვიცით და ეს ფართოდ აღიწერება ასევე მედიაში, რომ ვითარება უკიდურესად რთულია ყველა – დემოკრატიული უფლებების, თავისუფლებების და ადამიანების მდგომარეობის მხრივ. მე დღეს, აქ, იმ ხალხსაც წარმოვადგენ, რომლებიც ციხეში არიან და, შეიძლება სიმბოლურად, მსურს ვახსენო მზია ამაღლობელი – ჟურნალისტი ქალი, რომელიც ციხეში ზის სრულიად უმიზეზოდ…
მოკლედ რომ ვთქვათ, საქართველო სტრატეგიული გამარჯვება იყო აშშ-ისთვის რუსეთზე, თან მშვიდობიანი. მას შემდეგ რაც რუსეთი ერთ საუკუნეზე მეტხანს ცდილობდა კავკასიისა და, შესაბამისად, ცენტრალური აზიის თავის ექსკლუზიურ დომინაციაში დატოვებას, ამერიკა სრულფასოვანი აქტორი გახდა რეგიონში, რამაც ჩვენი ხალხი შთააგონა და ახალი სტანდარტები განსაზღვრა.
დღეს პირველად სამ ათწლეულზე მეტი ხნის განმავლობაში საქართველოში მმართველმა რეჟიმმა ზურგი აქცია ამ პარტნიორობას. საკუთარი თავისა და ქვეყნის დისტანცირებას და იზოლირებას ახდენს სანდო პარტნიორისგან და, ამავდროულად, სულ უფრო თანხვედრაში ხდება აშშ-ის მოწინააღმდეგეებთან. რუსეთი თამაშობს თავისი დომინანტური პოზიციის აღსადგენად.
“ქართული ოცნება” სულ უფრო ანტი-ამერიკული და პრო-რუსული გახდა. “ქართული ოცნების” საჯარო პოზიციებმა სულ უფრო აგრესიული ანტი-ამერიკული ტონი გაიჩინეს. საჯარო თავდასხმები აშშ-ის წარმომადგენლებზე – ვფიქრობ, ელჩი, რომელიც ჩემს უკან ზის, დამეთანხმება ამას. ამერიკულ პოლიტიკაზე – აშშ-ის მოსკოვის წინააღმდეგ “მეორე ფრონტის” გახსნისკენ მოწოდებებს აბრალებენ. თავდასხმები პრეზიდენტ ტრამპზე პერსონალურად და მის ადმინისტრაციაზე.
პარალელურად, “ქართული ოცნების” ლიდერები აქტიურად აღრმავებენ კავშირებს, უპირველეს ყოვლისა, რუსეთთან – აკოპირებენ რუსეთის ლიდერების რიტორიკას. ჩინეთთან – ანაკლია, სტრატეგიული პარტნიორობა, აშშ-სთან სტრატეგიული პარტნიორობის შეჩერების შემდეგ. უვიზო – ჩინეთთან და ირანთან,” – განაცხადა ზურაბიშვილმა. (ipn.ge)
მსგავსი სტატიები:
“აშშ_მ დღეს მსოფლიოს წინაშე ჩააბარა გამოცდა დემოკრატიაში”
5 აპრილიდან 55 წელს ზემოთ მოქალაქეების ვაქცინაცია იწყება
„დაუყოვნებლივ შეჩერდეს მუნიციპალურ ტრანსპორტზე აკრძალვა“ – „ლეიბორისტები“ სასამართლოში ჩივიან
“ისეთი ნაბიჯები უნდა გადადგას ხელისუფლებამ, რომ ან უნდა „გააბანძოს“, ან ფიზიკურად გაანადგუროს მიხეილ სააკაშვილი” – სარიშვილი
ანდრეი კურკოვი: პუტინი პოლიტიკურად მკვდარია, მომავალი არ გააჩნია
RSF: ვგმობთ, რომ ნიკა გვარამიას საჩივარი უარყოფილია
მეოცნებე გლეხი – გურული „ზღაპარი“
ბატონი ორბანი მხოლოდ თავისი სახელით საუბრობს და არა ლატვიის ან ევროკავშირის – ლატვიის საგარეო საქმეთა მინისტრი
