რუსი პროპაგანდისტი ალექსანდრ დუგინი-“შემდეგი რუსეთია-ჩვენი ჯერი დგება”

ნობილი რუსი იმპერიალისტი და პუტინის პირადი “მუცლით-მეზღაპრე” , თვითგამოცხადებული იდეოლოგი, ბატონი ალექსანდრ დუგინი:

“თუ ახლა რუსეთში ნამდვილი პატრიოტული რეფორმები არ დაიწყება, სიტუაცია უბრალოდ არაპროგნოზირებადი გახდება. ჩვენი მოკავშირეები სათითაოდ, გეგმაზომიერად ნადგურდებიან. გასაგებია, ვინ არის შემდეგი და გასაგებია, რას ნიშნავს მოლაპარაკებები ასეთ მტერთან. მიმაჩნია, რომ იმ იმიჯის შექმნის სტრატეგიამ, თითქოს რუსეთში ყველაფერი რიგზეა და მშვიდობიანი ცხოვრება ჩვეულ კალაპოტში მიედინება, თავისი თავი ამოწურა. შემდეგნი ჩვენ ვართ.”

“აი, შეხედეთ. ირანის რელიგიური ლიდერი ოჯახთან ერთად, როგორც წესი, თავის რეზიდენციაში შაბათ დილას დგება — იმ დღეს, როდესაც ისრაელისა და აშშ-ის თავდასხმაა დანიშნული — ასრულებს ლოცვას, ურთიერთობს ოჯახთან, დაკავებულია მნიშვნელოვანი საქმეებით. თითქოს არაფერი ხდება. მშვიდობიანი ცხოვრებაა, ყველაფერი რიგზეა. “ისლამური რევოლუციის გუშაგთა კორპუსის” ხელმძღვანელი და უმაღლესი თანამდებობის პირები, თავდაცვის მინისტრი, პოლიტიკოსები და სამხედროები ჩვეულებისამებრ მიდიან სამსახურში, თავიანთ ჩვეულ კაბინეტებში. ხომ მიდის მოლაპარაკებები კუშნერთან და უიტკოფთან. ირანი კი მზადაა დათმობებზე წავიდეს. თეირანმა არ ისურვა რაისის დაღუპვა მკვლელობად ეღიარებინა. არ ჩაება ომში ღაზაში ისრაელის თავდაცვის ძალების სახმელეთო ოპერაციის დაწყების შემდეგ; არც მაშინ, როცა ასადი დაამხეს; არც მაშინ, როცა “ჰამასის” ლიდერები გაანადგურეს; და არც მაშინ, როცა ნასრალა და “ჰეზბოლას” ხელმძღვანელობა მოკლეს. თეირანმა რუსეთთან სტრატეგიული პარტნიორობის ხელშეკრულებაში არ შეიტანა პუნქტი ერთობლივი თავდაცვის შესახებ (ჩვენ ვთავაზობდით). რუსეთ-ირანის სამოკავშირეო სახელმწიფოს შექმნის საკითხიც კი არ განუხილავს. და აი, კანონზომიერი შედეგიც- როდესაც შენთან მოვიდნენ, ირგვლივ აღარავინ დარჩა, ვინც დახმარებას შეძლებდა. “დიდი შაითანი”, რომლის წინააღმდეგ გადამწყვეტი ბრძოლისთვის ქვეყანა შეგნებულად ემზადებოდა თითქმის ნახევარი საუკუნე, თავს დაესხა მყისიერად და წერტილოვნად და სამწუხაროდ, მიზანს მიაღწია.”

“თითქმის იგივე ეხება ჩვენს თავსაც. აი, რაშია საქმე- მილიონჯერ ითქვა, რომ თანამედროვე ომი არის სისწრაფე, აქსელერაციონიზმი. იმარჯვებს ის, ვინც უფრო სწრაფია. საკმარისია დამუხრუჭება და ყველაფერი დამთავრებულია. ტრამპი თითქმის 80 წლისაა, მაგრამ რა გადამწყვეტად და სწრაფად მოქმედებს ხომ ხედავთ. გასაგებია, რომ საქმე გვაქვს აბსოლუტურ ბოროტებასთან, სატანა სწრაფია, ის ელვასავით ვარდებოდა. მაგრამ თუ მტერი ასეთია, მაშინ ჩვენც, ქრისტეს მხედრობას, შესაბამისად მოქმედება გვმართებს.

“ახლა არ ღირს წარსულზე და მწუხარებაზე საუბარი — მინსკის შეთანხმებაზე, “ეშმაკურ გეგმაზე თუ ანკორიჯის სულზე. რუსეთი უნდა გადავარჩინოთ. აჩქარების, მილიტარიზაციის, კადრების როტაციის, ცნობიერების სრული მობილიზაციის საკითხი (რისთვისაც ხალხი მთლიანობაში მზადაა) იმდენად მწვავედ დგას, რომ დაყოვნება აღარ შეიძლება. უფრო სწორად ასე: შეიძლება კიდევ გაჭიანურება, მაგრამ ეს იქნება ფატალური და შეუქცევადი. მოგვიწევს იმის გაკეთება, რისი გაკეთებაც ხელისუფლებას კატეგორიულად არ სურს- სამხედრო განგაში, გლობალური გაგებით, ყველაფერი იმაზეა დამოკიდებული, რამდენს გაუძლებს ისლამური რევილუციის გუშაგთა კორპუსი. თუ ირანი ფეხზე დადგება, ყველაფერი შეიძლება საპირისპირო მიმართულებით წავიდეს. თუ დაეცემა, შემდეგნი ჩვენ ვართ.”

“ ანტიქრისტეს შეუძლია შეტევა არა მხოლოდ გარედან, არამედ შიგნიდანაც. ის ლიდერებს ხდის მოდუნებულს, გაუბედავს, ნელს, უბიძგებს კომპრომისებისა და გარიგებებისკენ, აფერხებს რეაქციებს, უჩლუნგებს სამართლიანობის გრძნობას, ემპათიას, წყვეტს ხალხსა და საზოგადოებას, გარს ახვევს თავის მარიონეტებს, აიძულებს ირწმუნონ სიცრუე, დაემორჩილონ პირფერობას და იმყოფებოდნენ ილუზორულ სამყაროებში. მასთან საბრძოლველად ლიდერს უნდა ჩამოუყალიბდეს მტკიცე სულიერი რეალიზმი, მეტაფიზიკური სიფხიზლე და უნარი, პირველივე ნიშნებით ამოიცნოს ეშმაკის არსებობა — ახლობლებშიცა და შორეულებშიც” ,- ასეთ უმძიმეს ფსიქოლოგიურ ბრძოლებშია ბატონო ალექსანდრი