ჩოხატაურის მუნიციპალიტეტის მერმა, მინდია ჟღერიამ, საკუთარი მოქალაქეები, კურორტ ბახმაროს მიმდებარე სოფლების მოსახლეები,  მოატყუა, ცრუ დაპირებებით  კანონსაწინააღმდეგო ქმედებები აიძულა და შემდგომ მიატოვა;

ამის შესახებ “გურიის მოამბეს”  ნაბეღლავის თემიდან აცნობეს;

საქმე ეხება, კურორტ ბახმაროს ასასვლელში, ტერიტორიული დაცვის სააგენტოს კუთვნილი ადგილის დასუფთავებას და შემდგომ იქ “საპიკნიკეს” გახსნას;

აღნიშნული “საპიკნიკეს” დემონტაჟი, “გურიის მოამბეში” გასული სტატიის შემდეგ, ტერიტორიული დაცვის სააგენტოს მოთხოვნით, თავად იმ მოქალაქეებმა მოახდინეს, რომლებმაც  ის გახსნეს;

რედაქციამ გაარკვია, რომ, მოქალაქეებმა, ხატია ჩხვიმიანმა და მანო ბერიძემ, ადგილზე “საპიკნიკე” ჩოხატაურის მერის, მინდია ჟღერიასა და ჩოხატაურის მერიის ინფრასტრუქტურული სამსახურის თხოვნით გახსნეს; გახსნამდე კი, ამ ტერიტორიას, მთელი ერთი თვის განმავლობაში, ეს მოქალაქეები, საკუთარი ძალებით ასუფთავებდნენ და დიდი შრომის ფასად მოაწესრიგეს;

როგორც გვუბნებიან, საქმის კურსში იყო ტერიტორიული დაცვის სააგენტოც;

ჩვენ ვეცადეთ ჩხვიმიანთან და ბერიძესთან დაკავშირება, თუმცა კომენტარზე – რედაქციასთან საუბარზე – ორთავემ უარი განაცხადა;

წყარო ნაბეღლავიდან გვიყვება, რომ ჩოხატაურის მერიამ, დაიბარა და თხოვნით მიმართა აღნიშნულ მოქალაქეებს, ეს ტერიტორია საკურორტო სეზონის წინ დაესუფთავებინათ და  ნაცვლად ამ მომსახურებისა, მერია მათ ნებას მისცემდა ადგილზე მცირე სამეწარმეო საქმიანობა განეხორციელებინა;

თავისთავად, მერიას ამის უფლება არ ჰქონდა, ვინაიდან ადგილი ტერიტორიული დაცვის სააგენტოს ეკუთვნის, თუმცა, მიუხედავად ამისა, მერმა მაინც გასცა ეს დაპირება და ფაქტობრივად, საკუთარი მოქალაქეები, შეცდომაში შეიყვანა, ინფორმაციის გავრცელების შემდეგ კი, “მიიმალა” და სახელმწიფო ინსტიტუტებს ტერიტორიაზე არსებული სამსენებლო სიახლეების დემონტაჟი უბრძანა;

როგორც ზემოთ ავღნიშნეთ, დემონტაჟი თავად ამ მოქალაქეებმა მოახდინეს პირველივე გაფრთხილების შემდეგ, თუმცა ისმის კითხვა-ვინ აანაზღაურებს მათ მიყენებულ ზარალს და რეპუტაციულ ზიანს?

იგივე თემაზე:

გააზიარეთ და მოიწონეთ სტატია:

მსგავსი სტატიები:

2020 წლის მსოფლიოს 24 მნიშვნელოვანი ფოტოამბავი – BBC “ორივე შემთხვევაში თავად ქართული სახელმწიფო ექცევა ბენეფიტების/სანქციების ზემოქმედების ქვეშ” ინდოეთში დაღუპულთა კრემაციას ვეღარ ახერხებენ და გვამებს მდინარეებში ყრიან თეა გვარამია: “არაა პრობლემა, მობრძანდნენ, შეგვამოწმონ, ნახონ ყველაფერი დეტალურად” მზადება მასიური გაყალბებისთვის – “ფეხოსანი პატრული” საჯარო სკოლებსა და ბაღებში „ეს არის ძალიან სახიფათო მოვლენა, რომელსაც შეიძლება ჯაჭვისებური რეაქცია მოჰყვეს“ – ხიდაშელი ამერიკის საელჩოში მომხდარ ინციდენტზე ყველას დიდი მადლობა – სააკაშვილის წერილი ციხიდან უმწვავესი აქციები დაიწყება. მევახშეების მეფე ივანიშვილმა სამოქალაქო ომი გამოუცხადა ერს – კაკაბაძე