11 მარტს გომის მთაზე ოზურგეთის მუნიციპალიტეტის სოფელ ბოხვაურიდან, ოთხი ბიჭი, სანადიროთ წავიდა. გზაში მათ ქარბუქმა და თოვამ მოუსწროთ, რის გამოც ხევს შეაფარეს თავი, თუმცა, ერთ-ერთი ახალგაზრდა, 24 წლის ვაჟა ანდღულაძე, სიცივის გამო შეუძლოდ გახდა. როგორც მეგობრები ყვებიან, ბიჭი კარგა ხანს ხელით ატარეს, თუმცა ყინვასა და ქარბუქში, მისი გადარჩენა ვერ მოხერხდა.
დილის რვა საათზე 112-ზე ერთ-ერთმა დარეკა და გომის მთაზე შველა ითხოვა, მანვე უთხრა ოპერატორს, რომ მათი ერთი მეგობარი უკვე დაღუპული იყო, ხოლო ორი მათგანის მდგომარეობაც საყურადღებო იყო.
მალევე, დაიწყო სამძებრო-სამაშველო სამუშაოები, რაც ორ მეტრამდე თოვამ და ქარბუქმა, ძალიან გააჭინაურა. თუმცა 10 საათიანი ძებნის შემდეგ, სამ დაკარგულ ბიჭს, ცოცხლებს მიაგნეს.
მეორე დილით მოხერხდა გარდაცვლილი ბიჭის ამოყვანაც თოვლიდან.
ვაჟიკო, როგორც მას ყველა ეძახდა სოფელ ბოხვაურში ცხოვრობდა. მას ყველა დადებით და გულისხმიერ ადამიანად ახასიათებს.
“არაჩვეულებრივი, ყველასგან გამორჩეული ბიჭი, იმის მიუხედავად რომ დედა საზღვარგარეთ ყავდა და შვილებს არაფერს აკლებდა, ვაჟიკო სულ მუშაობდა, ახლაც დისტრიბუციაში იყო, უკეთილშობილესი ახალგაზრდა დააკლდა ჩვენს უბანს…”- გვიყვება ოჯახის ახლობელი.
ვაჟიკოს დედა 8 წელია იტალიაში ემიგრაციაში ცხორობს, მას ვერ უთხრეს შვილის დაღუპვის ამბავი, დედა დღეს დილით ჩამოფრინდა იმ იმედით, რომ შვილი ცოცხალი ყავდა და რეანიმაციაში იწვა.
ავტორი: ნინე ულუმბელაშვილი.
გააზიარეთ და მოიწონეთ სტატია:
მსგავსი სტატიები:
“ბუკნარის სკოლის დირექტორის გადაყენება არც განიხილება”
“რა ნივთებს ფლობდა ბენია ჩხიკვიშვილი საფრანგეთში ცხოვრების პერიოდში”
ტაქსის მძღოლისა და მთვრალი მამაკაცის ამბავი-გურული იუმორი
“რაია შე კაცო, ენა მუცელში გაქვს ჩავარდნილი”? – მარიამ ბაქანიძე – “აბდალი”
სისხლიანი გარჩევა ოზურგეთში – დაჭრილია 16 წლის ბიჭი
“ქარხნებს ავაშენებთო, მოსახლეობას დავასაქმებთო… მთავრობას ხალხისთვის არ სცალია”
ოზურგეთში, სწავლებისა და დასაქმების ხელშეწყობის ცენტრი გაიხსნა
“მეშვიდე კლასში ვიქნებოდი ალბათ, ჩვენმა ნათესავმა გივიამ მოუყვა ბებიას კაკოია ნაცვალაძეს სასწაული თხები გამოუჯიშებია ნასაკირალიდან,ტანად დიდვანი არიენ”