“ქართულ ოცნებასა” და ოპოზიციას შორის შეთანხმება ისევ ჩავარდა – პოლიტიკური პარტიების წარმომადგენლებმა კრისტიან დანიელსონის მიერ წარდგენილ დოკუმენტს ხელი არ მოაწერეს.
მოლაპრაკებების პროცესი, ევროკავშირის წარმომადგენლობაში, თითქმის 7 საათს გაგრძელდა.
“მთავარი არხისთვის” ცნობილი ხდება, რომ არ არის გამორიცხული, კრისტიან დანიელსონი აპრილის ბოლოს საქართველოში ისევ ჩამოვიდეს და მოლაპარაკების მესამე რაუნდი გამართოს.
ცნობისთვის, კრისტიან დანიელსონი საქართველოში 27 მარტს დაბრუნდა. მედიასთან საუბრისას განაცხადა, რომ კომპრომისზე წასვლა სიძლიერეს ნიშნავს… ეს იქნება ნიშანი, რომ საქართველოში დემოკრატია მუშაობს...
დანიელსონი ქვეყანაში პირველად 12 მარტს ჩამოვიდა. მისი ვიზიტი 14 მარტს უნდა დასრულებულიყო, თუმცა წარუმატებელი მოლაპარაკებების შემდეგ ქვეყანაში დარჩენა გადაწყვიტა და თქვა, რომ ქვეყანას არ დატოვებს,ვიდრე ოპოზიციასა და ხელისუფლებას შორის შეთანხმებას არ მიაღწევს. ვიზიტის ფარგლებში ის არაერთხელ შეხვდა როგორც ხელისუფლების, ისე ოპოზიციის წარმომადგენლებს. თუმცა, წარუმატებელი მოლაპარაკებების შემდეგ, დანიელსონი ბრიუსელში დაბრუნდა.
დანიელსონის საქართველოში გამოგზავნის გადაწყვეტილება შარლ მიშელმა 8 მარტს მიიღო.
მანამდე კი, საქართველოში თავად ევროპული საბჭოს პრეზიდენტი მიშელი იმყოფებოდა. ქვეყანაში ის 28 თებერვალს ჩამოვიდა. 1-ელ მარტს მან ხელისუფლებასა და ოპოზიციას შორის შეხვედრა მოაწყო და წარადგინა 6-პუნქტიანი ჩარჩო, რომელზეც მხარეები უნდა შეთანხმდნენ. 16 მარტს კი ბრიუსელში, ევროპასთან ასოცირების საბჭოს სხდომაზე განიხილავენ შესრულდა თუ არა ამ 6-პუნქტიანი დოკუმენტის პირობები.
მსგავსი სტატიები:
“არ ვგეგმავთ Pfizer ვაქცინის დიდი ოდენობით შემოტანას” – ექიმებს კი აცრისკენ მოუწოდებენ
“ახლა რომ არჩევნები ჩავატაროთ, საკონსტიტუციო უმრავლესობას მივიღებთ და აღარ გვინდა”
“ბიძინა ყველა ბალახსა და ფოთოლშია. ის ცაშიცაა, მთაშიც, წყალშიც”…
ბოკერია: 15 მაისამდე უამრავი სპონტანური აქცია შეიძლება იყოს
“მმართველი პარტია ქართველი ხალხის მიერ არჩეული გზიდან გადახვევას იწყებს”
“ხვალ 12:00 საათამდე ეძლევა ხელისუფლებას დრო, ჩაირთო ეს წამზომი, გადაწყვეტილება მათზეა”
“საკუთარ ქვეყანაში საზღვარს გვიწესებენ და გვეუბნებიან, თუ ამ საზღვარს გადაკვეთთ, დაგიჭერთ”
გიორგი გახარია – ერთხელ და სამუდამოდ ამ ქვეყანაში უნდა დასრულდეს პირადი ცხოვრებით შანტაჟი