კორონავირუსით გარდაცვლილი ლანჩხუთელი ექიმის, ნანა ცინცაძის შვილმა, დღეს, სავარაუდოდ თავი მოიკლა.
გარდაცვლილი ექიმის შვილი 27 წლის თორნიკე ორაგველიძე სასჯელს ქუთაისის N2 დაწესებულებაში იხდიდა, სადაც მას შემდეგ, რაც დედის გარდაცვალების შესახებ შეიტყო, სიცოცხლე თვითმკველობით დაასრულა. ექიმი დღეს დაკრძალეს.
პენიტენციურ დაწესებულებაში აღნიშნული ინფორმაციას ადასტურებენ.
“N2 დაწესებულების ბრალდებული თ.ო. (დაბ: 1993 წ.) საქართველოს ს.ს.კ-ის 177-ე მუხლის მესამე ნაწილის “დ” ქვეპუნქტით (ქურდობა) გათვალისწინებული დანაშაულის ბრალდებით 2020 წლის 16 ნოემბერს მოთავსდა N8 დაწესებულების საკარანტინო სივრცეში. 2020 წლის 28 ნოემბერს იგი გადაყვანილი იქნა N2 პენიტენციურ დაწესებულებაში.
2021 წლის 31 მარტს დაახლოებით 15:57 საათზე მისი თანამესაკნეები საკნიდან გაყვანილ იქნენ იმავე სართულზე არსებულ აბანოში, ხოლო ბრალდებული თ.ო. დარჩა საკანში. აბანოდან საკანში დაბრუნებისას თანამესაკნეებმა თ.ო. საკნის საპირფარეშოში უგონო მდგომარეობაში აღმოაჩინეს. მას ყელის არეში აღენიშნებოდა, სავარაუდოდ, ბასრი საგნით მიყენებული ჭრილობა.
პირველადი სამედიცინო დახმარების გაწევის მიზნით, ბრალდებული ჩაყვანილ იქნა დაწესებულების სამედიცინო ნაწილში და გამოძახებულ იქნა სასწრაფო სამედიცინო დახმარების ბრიგადა, თუმცა მედპერსონალის მცდელობის მიუხედავად, თ.ო.-ს გადარჩენა ვერ მოხერხდა. მომხდარის შესახებ დადგენილი წესით დაუყოვნებლივ ეცნობა სახელმწიფო ინსპექტორის სამსახურს, რომელმაც დაიწყო გამოძიება.
აღსანიშნავია, რომ თანამესაკნეების გადმოცემით თ.ო.-მ 31 მარტს შუადღის საათებში პენიტენციური დაწესებულებიდან განახორციელა სატელეფონო ზარი, რა დროსაც შეატყობინეს დედის გარდაცვალების ფაქტი“, – აცხადებენ უწყებაში.
მსგავსი სტატიები:
ლანჩხუთის საფეხბურთო აკადემიის მწვრთნელებს და ფეხბურთელებს კორონავირუსი დაუდასტურდათ
“ცხადმა იმდენი ქვა მესროლა – ძილი გამიტყდა”-კეკელიძე
“ძალიან მაკლია ის ლაპარაკი, სადღაც ჩაკარგული და უთქმელი”
გენიალური ლანჩხუთელი მხატვარი რომელიც საკუთარმა ხალხმა მიივიწყა
დაბა ჩოხატაურში, “ წყალი მარგებელის” თანამშრომლების გაფიცვა დასრულდა
გურია გასაბჭოების შემდეგ
“ჩვენი ფონდი გიორგი ანწუხელიძის სახელობის სტიპენდიას დააწესებს”-კეკელიძე
გურიაში დაკარგული 40 წლის მამაკაცი სენაკში შეყვარებულთან აღმონდა