ჩვენ გვსურს, დავეხმაროთ საქართველო უფრო დემოკრატიული ქვეყნის მშენებლობაში- კელი დეგნანი

საქართველოში საპარლამენტო არჩევნებამდე რამდენიმე დღით ადრე, ელჩი კელი დეგნანი საზოგადოებრივ საქმეთა ოფიცრის მოვალეობის შემსრულებელ კრისტოფენ ანდერსონს ესაუბრა ხშირად დასმულ შეკითხვებზე საქართველოს საპარლამენტო არჩევნების, ამერიკის პოზიციისა და ჩვენი ორი ქვეყნის სტრატეგიულ პარტნიორობაზე ამერიკის საპრეზიდენტო არჩევნების გავლენის შესახებ. ამის შესახებ საქართველოში აშშ-ის საელჩო ავრცელებს ინფორმაციას.

„საქართველომ, ისევე, როგორც ამერიკამ, იბრძოლა თავისი თავისუფლებისთვის და ეს თავისუფლების საერთო სიყვარული არის ის, რაც აშშ-საქართველოს სტრატეგიული პარტნიორის გულშია. თავისუფლება, რომელიც ლიდერების დამოუკიდებელ და სამართლიან არჩევნებში არჩევას გულისხმობს, ჭეშმარიტი დემოკრატიის საფუძველია. დემოკრატია გულისხმობს არჩეული თანამდებობის პირების პასუხისმგებლობას ხალხის წინაშე და არჩევნები სწორედ ამას ემსახურება. ამ ქვეყანაში მოგზაურობისას, ბევრი ქართველი გავიცანი, რომელიც ისევე სცემს პატივს ხმის უფლებას, როგორც – ამერიკელები. როდესაც საქართველო შეუერთდა ისეთ ორგანიზაციებს, როგორიცაა ეუთო ან ხელი მოაწერა ასოცირების ხელშეკრულებას ევროკავშირთან, მან ვალდებულება აიღო, დაიცვას ეს ღირებულებები და საერთაშორისო სტანდარტები, მათ შორის თავისუფალი და სამართლიანი არჩევნები.

ეს ღირებულებები და სტანდარტები ასევე მნიშვნელოვანია საქართველოს ნატო-ში გაწევრიანებისთვის, რაც ნატო-სა და ნატო-საქართველოს კომისიასთან ჩვენი პარტნიორობის ქვაკუთხედია. ქართველებმა აირჩიეს გზა უფრო დემოკრატიული და პლურალისტური საზოგადოებისკენ და შეერთებული შტატები გააგრძელებს ამ არჩევანის მხარდაჭერას. ჩვენ გვსურს, დავეხმაროთ საქართველო ძლიერი, ერთიანი, სუვერენული, დამოუკიდებელი და უფრო დემოკრატიული ქვეყნის მშენებლობაში. ეს პირობა საქართველოსთან ჩვენი სტრატეგიული პარტნიორობის ამომავალი წერტილია“, – აცხადებს კელი დეგნანი.

გააზიარეთ და მოიწონეთ სტატია:

მსგავსი სტატიები:

არ შეიძლება კობახიძის პოლიტიკური აქსესუარი იყო- ბესელია პარლამენტში შესვლაზე როგორია ირაკლი კობახიძის ფინანსური მდგომარეობა ღარიბაშვილი „ნამახვანჰესზე“: “მშენებლობის სამუშაოები შეჩერდება 9-დან 12 თვემდე და კიდევ ერთხელ გადამოწმდება ყველაფერი” “დავრწმუნდით, რომ მათ არ ეყოთ არც გამბედაობა და არც გონიერება, უარი ეთქვათ აბსოლუტურად დაუსაბუთებელ პრეტენზიებზე” პაატა მანჯგალაძე: „პარლამენტში იმიტომ არ მივდივართ, რომ თითქოს სკამებს დახარბებულნი ვართ“ “ქართველი ხალხი არის განადგურებისა და დაღუპვის ზღვართან ძალიან ახლოს”-მიხეილ სააკაშვილის ხედვა სახელმწიფომ მისი ძირითადი ფუნქცია ვერ შეასრულა, ვერ დაიცვა ლექსო ლაშქარავა “ცოტა ხან­გრძლი­ვად უნდა შევ­წუხ­დეთ და ერ­თმა­ნეთ­საც ვუ­თხრათ, რომ ასე ცხოვ­რე­ბა არ შე­იძ­ლე­ბა”