ნაპოვნია ოზურგეთიდან გაუჩინარებული 17 წლის მარიამ ბურჭულაძის კიდევ ერთი წერილი, სადაც არასრულწლოვანი “მტრებზე” საუბრობს და მათ ინიციალებს წერს. წერილში ასევე აღწერილია სავარაუდო თვითმკვლელობის სცენა.
“მაგრამ ვის შეუძლია, მოკლას ჩემს თავში არსებული ხმები, რომელიც ცოცხლად მჭამს” – წერია წერილში, რომლის ავთენტურობა დადგენილი არ არის.
“გუშინ ღამით გველები არ დამსიზმრებია, ჩემს კლასელს შევხვდი დღეს, არაფერი მიგრძვნია. ისინი აღარ მტკენენ, ვფიქრობ, ისინი არ არიან ჩემი მტრები. მაგრამ არ ვარ დარწმუნებული. ჩემი მტრები:T, I,Z, შესაძლოა, “ტ” იყოს და ჩემი მასწავლებელი. ისინი უკვე მოკვდნენ. შესაძლოა, სხვა არავინ. მოვკლავ თითქმის 6 ადამიანს, არაუმეტეს 7-ს. შესაძლოა, წამლები მივიღო, ეს იმუშავებს, შევეცდები, მკვდარი სხეულები დავხატო, რომლებიც დღეს მოვკალი. შურისძიება ჩემი ცხოვრების მთავარი მიზანია, მაგრამ ვინ ჩაკლავს იმ ხმებს, რომლებიც ჩემს თავშია და რომლებიც ცოცხლად მჭამენ – წერს გოგონა წერილში.
მარიამ ბურჭულაძის ოჯახმა კიდევ ერთი წერილი იპოვა, სადაც გოგონა წერს, რომ “ყველაფერს დაასრულებს”.
გაუჩინარებულის დედა, იამზე ბურჭულაძე, ამბობს, რომ წერილი აივანზე, კატების სახლში, იპოვა.
ოჯახი დარწმუნებულია, რომ წერილი მარიამის დაწერილია.
დედა გვიყვება, რომ წერილები უკვე გამომძიებლებს აქვთ და მისი შესწავლა მიმდინარეობს.
გოგონას პოლიცია და ახლობლები აჭარასა და გურიაში ეძებენ. მეთორმეტე კლასელი გოგო სკოლიდან სამი დღის წინ წავიდა და მას შემდეგ მისი ადგილსამყოფელი უცნობია. ბოლოს გოგონა სოფელ ლეღვაში ვიდეოკამერებმა დააფიქსირეს. ის ფეხით მარტო მიდიოდა.
წერილი ინგლისურ ენაზეა დაწერილი.
მსგავსი სტატიები:
ჩოხატაურში ერთ სკოლაში კორონავირუსი 12 მოსწავლეს დაუდასტურდა
გომის მთაზე მეხანძრე – მაშველებმა სამი ადამიანი იპოვნეს
“ხელები გავუთბეთ, სახე დავუზილეთ, მაგრამ ვერაფერი ვუშველეთ“
რამ გამოიწვია ელექტროენერგიის მასობრივი გათიშვა გურიასა და სხვა რეგიონებში
“აიცერი” – ოზურგეთის საკრებულოს თავმჯდომარე “ასტრაზენეკა”-თი აიცრა
“ფირალები უფრო შუასაუკუნეების რაინდული რომანების გმირებს ჰგავდნენ თავისი მოქმედებით, ქცევით”
“გამწარებულ დედას შვილის სასაფლაო დაშლილი ხვდება”-კომენდატის საათის დროს გაძარცვული საფლავები
გაუჩნდა თუ არა მამუკა დოლიძეს ჩოხატაურის მერობის ამბიცია