“ჩვენ ლაჩრები არ ვართ, მებრძოლი ეკლესია ვართ და ყველაზე შეგვიძლია პასუხის გაცემა”

ამის შესახებ ბოდბელმა ეპისკოპოსმა მეუფე იაკობმა ქადაგების დროს განაცხადა.

მეუფე იაკობის თქმით, კიდევ არის დრო, რომ მოინანიონ და „ადამიანებს დაემსგავსონ“.

„დღეს რთული დროა, ალბათ, საქართველოში ბევრი ფიქრობს. საოცრებებს ვიგებთ ხოლმე, ვისაც არ ეზარება, ოღონდ ვინმემ რამე თქვას ეკლესიაზე ცუდი. გასაგებია, ტელევიზიები რომ ყურებადები გახდნენ, სენსაციები უნდათ. ჟურნალისტებს არ მივმართავ, მაგათ ავალებენ. დღეს სამსახურები არ არის ბევრი და არ უნდათ სამსახურების დაკარგვა.

ეკლესია როცა ძლიერი იყო, საქართველო ყოველთვის იყო ძლიერი. შეიძლება, სხვა ერები მოსულიყვნენ, დაპყრობილი ვყოფილიყავით, მაგრამ ეკლესია ქართულ ენასაც ინარჩუნებდა, ტრადიციებსაც და ყველაფერს. ეს ყოველივე თუ გავაქრეთ, რას მოვიგებთ, ვის მივბაძოთ. სიყვარულით რომ მომიწოდებდე, სიყვარულით მივიღებ იმას, მაგრამ როდესაც, სენსაციებზე ხარ მაყურებელი, ეს ძალიან ცუდია. ჩაივლის მძიმე მარხვის დღეებია, მერე ბრწყინვალე შვიდეულია. ვფიქრობ, ასე გაგრძელება აღარ შეიძლება და ვიღაცები, ვინც ეკლესიას პირდაპირ ებრძვიან, ამ შემთხვევაში ტელევიზიები არ მაქვს მხედველობაში, ალბათ, საბოლოოდ კიდევ უნდა მოვუწოდოთ, რომ დაფიქრდნენ რას აკეთებენ, ვის ემსახურებიან. თუ მე მტყუანი ვარ, რაც მეკუთვნის, ასმაგად, ათასმაგად მაზღვევინონ. იმათ რაც ეკუთვნით, თუ მტყუანები არიან ღვთის, ერის, ეკლესიის წინაშე, ერთმაგიც საკმარისია იმათთვის. ასე გაგრძელება აღარ შეიძლება, სხვები თუ დადუმდებიან, ჩვენ ლაჩრები არ ვართ, მებრძოლი ეკლესია ვართ და ყველაზე შეგვიძლია პასუხის გაცემა. ჩვენ თუ შიგნით ვერ დავიცავით, გარეთ ვის დავიცავთ ხომ? ამიტომ კიდევ არის დრო შეინანონ. ადამიანებს დაემსგავსონ თავიანთი საქციელით. გამყიდველობას თავი დაანებონ, თვითონ ხომ მაინც იციან, რომ მატყუარები არიან“, – აღნიშნა მეუფე იაკობმა.

გააზიარეთ და მოიწონეთ სტატია:

მსგავსი სტატიები:

აჭარის მთავრობის სახლთან ტატამი გაშალეს სოლიდარობა თბილისს -აჭარის მთავრობის სახლთან შეშის ნაძვის ხე დადგეს ირაკლი ღარიბაშვილს სულ ერთხელ შევხვდი, ისიც დერეფანში-გიული ალასანია “ჩემს საქართველოს, ჩვენს საქართველოს, ჩვენ არავის არ დავუთმობთ მის მომავალს!” “წარმოუდგენელი უზნეობაა ამ შემთხვევაზე ნიშნისმოგებით საუბარი” სულაშვილი ივანიშვილზე: “ჰკიდია შენი ევროპაც და ამერიკაც, იმიტომ რომ თქვენი იმედი აქვს”… გადაცემა “სხვა ნანუკამ” 10 წლის ლაშა ხუციშვილისთვის 100 ათასი ლარი შეაგროვა ირმა სოხაძე-არ მინდა მე ასეთი არც ოპოზიცია და არც ხელისუფლება