საქალაქთაშორისო ტრანსპორტი არ იზღუდება, – ამის შესახებ, უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე, ჟურნალისტების კითხვის საპასუხოდ განაცხადა.
კითხვაზე, ეხებათ თუ არა უქმე დღეები სავაჭრო მოლებსა და რესტორნებს, გიორგი ღიბრაძემ განმარტა, რომ ეს არის უქმე დღეები და არ არის შეზღუდვა, შესაბამისად მათ შეუძლიათ ჩვეულებრივად გააგრძელონ თავიანთი საქმიანობა.
“ერთადერთი რაც არის, არის გამონაკლისები დაშვებული, ვისაც ეს უქმე დღეები არ ეხება, მაგალითად სამედიცინო, ფარმაცევტული სექტორი, მშენებლობები და ინფრასტრუქტურული პროექტები რომ არ გაჩერდეს. ამისთვის, სპეციალურად არის გამოცემული სამი მინისტრის ბრძანება – ჯანდაცვის, ეკონომიკის და გარემოს დაცვისა და სოფლის მეურნეობის მინისტრის, რომელიც ხელმისაწვდომია, როგორც მაცნეზე, ასევე აიტვირთება stopcov.ge-ზე და იქ არის ჩამონათვალი იმ სექტორების, რომლებსაც არ ეხებათ უქმე დღეები და იმუშავებენ ჩვეულებრივად“, – აღნიშნა გიორგი ღიბრაძემ.
უწყებათაშორის საკოორდინაციო საბჭოსთან არსებული ოპერაციული შტაბის უფროსმა ასევე განაცხადა, რომ მნიშვნელოვანია მობილობის შემცირება, რადგან შემთხვევების რაოდენობა, ასევე ჰოსპიტალიზაცია იზრდება და შესაბამისად, სექტორი რომ იყოს მთლიანად ფუნქციონირებადი და ეფექტიანი, საჭიროა ამ ღონისძიებების გატარება.
მსგავსი სტატიები:
პოეტ ოტია ტრაპაიძის სახლი შუა სურებში(ფოტოები)
მეუფე იაკობს კორონავირუსი დაუდასტურდა
“ამაყი ვარ განცხადებით, რომ გურიაში ექიმების უმეტესობა ვაქცინაციისთვის არ გამოცხადდა”
3000 წლის შემდეგ პირველად ავსტრალიაში დაიბადა გადაშენების პირას მყოფი ტასმანიური ეშმაკი
“ვიეტნამური შტამი” – კორონავირუსის კიდევ ერთი, სწრაფად გავრცელებადი შტამი გამოვლინდა
იმნაძე: მეორე აცრიდან 2 კვირაში შეიძლება პირბადის გარეშე ყოფნა, თუ გარშემო ყველა აცრილია
ნიორი – 60%-ით, კარტოფილი-59%-ით – 10 პროდუქტი, რომელიც მაისში გაიაფდა
SOS! გამოცდის შედეგების გასაჩივრება დღეს 18-00 საათამდე შეგიძლიათ