აშშ-ის პრეზიდენტმა, ჯო ბაიდენმა და ვიცე-პრეზიდენტმა, კამალა ჰარისმა, ორშაბათს 2020 წლის საგადასახადო დეკლარაციები გამოაქვეყნეს, რომელთა თანახმად, აშშ-ის პრეზიდენტმა და მისმა მეუღლემ, ჯილ ბაიდენმა, შარშან დაახლოებით 607 ათასი დოლარის მოგება მიიღეს. ვიცე-პრეზიდენტმა კამალა ჰარისმა და მისმა მეუღლემ, დაგ ემჰოფმა – დაახლოებით 1,7 მილიონი დოლარი.
პრეზიდენტის ოჯახის ძირითად შემოსავალს გასულ წელს შეადგენდა საპენსიო ფონდიდან მიღებული დანაზოგი, ასევე წიგნებიდან და გამოსვლებიდან მიღებული ჰონორარები. თავიანთი შემოსავლის დაახლოებით 26 % ბაიდენებმა გადასახადის სახით ფედერალურ ბიუჯეტში ჩარიცხეს, ხოლო 5% – დელავერის შტატისაში, სადაც წყვილი თეთრ სახლში გადასვლამდე ცხოვრობდა.
ვიცე-პრეზიდენტ კამალა ჰარისის ოჯახის შემოსავლის უდიდეს ნაწილს შეადგენდა მისი მეუღლის, მასმედიისა და გასართობი ინდუსტრიის სფეროში მოღვაწე იურისტის, დაგ ემჰოფის, მიერ მიღებული ჰონორარი. ფედერალური გადასახადების სახით კი მათ 622 000 დოლარი გადაიხადეს.
თეთრი სახლის თანახმად, საგადასახადო დეკლარაციის გამოქვეყნებით აშშ-ის პრეზიდენტი აგრძელებს „თითქმის უწყვეტ ტრადიციას“, რომელსაც მისი წინამორბედები იცავდნენ. განცხადებაში მინიშნება კეთდება დონალდ ტრამპზე, რომელიც უარზე იყო გასაჯაროებულიყო მისი, ჯერ როგორც პრეზიდენტობის კანდიდატის, შემდეგ კი, როგორც პრეზიდენტის – საგადასახადო დეკლარაციები.
ოპონენტების პასუხად, ყოფილი პრეზიდენტი თავის უარს ამართლებდა იმით, რომ საგადასახადო დეკლარაციები იმყოფებოდა აუდიტის პროცესში.
გასულ შემოდგომაზე გაზეთ New York Times-ის განკარგულებაში აღმოჩნდა დონალდ ტრამპის 2016-2017 წლების საგადასახადო დეკლარაციები. გაზეთის თანახმად, ამ წლებში დონალდ ტრამპმა მხოლოდ 750 დოლარი გადაიხადა ინდივიდუალური გადასახადის სახით. ყოფილმა პრეზიდენტმა ამ ცნობას „სიცრუე“ უწოდა.
https://www.radiotavisupleba.ge/
მსგავსი სტატიები:
უსამართლოდ ბრალდებულები – 25-წლიანი უსასყიდლო სამსახურის საფასური ოლიგარქისგან
საათში 2 ადამიანი გვეღუპება! ვინმე ამაზე ფიქრობს? ვინმე ამაზე პასუხს აგებს? – ირმა სოხაძე
” ქვეყანა გაკოტრებული, რადარებიდან გამქრალი, ხალხი გაღატაკებული”..
ხვალიდან 15 იანვრის ჩათვლით უქმე დღეები ცხადდება
საქართველოს ძლიერი ამერიკა სჭირდება -სალომე ზურაბიშვილი
გიორგი გახარია-იწყება სოციალური დახმარების ახალი ეტაპიახალი ეტაპი
“ქვეყანამ ბოლო წლებში პროგრესი განიცადა!-თალაკვაძე
“ივანიშვილი აფინანსებდა ტრამპს“-მიხეილ სააკაშვილი