შსს ნინოწმინდის პანსიონთან დაკავშირებით მედიასაშუალებებს მიმართავს და გამოძიებასთან თანამშრომლობისკენ მოუწოდებს

უწყების განცხადებას უცვლელად გთავაზობთ:

შინაგან საქმეთა სამინისტრო ინტენსიურ რეჟიმში აგრძელებს გამოძიებას წმინდა ნინოს სახელობის ობოლ, უპატრონო და მზრუნველობამოკლებულ ბავშვთა პანსიონატში აღსაზრდელების მიმართ შესაძლო დანაშაულის ჩადენის ფაქტებზე.

უწყვეტ რეჟიმში მიმდინარეობს საგამოძიებო და საპროცესო მოქმედებები, მათ შორის საქმესთან შემხებლობაში მყოფი პირების გამოკითხვები. საპროცესო ღონისძიებებში არასრულწლოვანთა მონაწილეობა ხდება კანონმდებლობის სრული დაცვით და ბავშვის საუკეთესო ინტერესების გათვალისწინებით. გამოძიების პროცესში ჩართული არის შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტი და მოწმისა და დაზარალებულის კოორდინატორები. უკვე გამოკითხულია რამდენიმე არასრულწლოვანი.

შინაგან საქმეთა სამინისტრო აქტიურად თანამშრომლობს სსიპ – სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოსთან.

საზოგადოებისთვის ცნობილია, რომ გამოძიების დაწყების საფუძველი სხვადასხვა მედიასაშუალების მიერ გავრცელებული ინფორმაცია გახდა. შესაბამისად, შინაგან საქმეთა სამინისტრო მიმართავს აღნიშნული პანსიონატის თემით დაინტერესებულ ყველა მედიასაშუალებას, რომელიც შესაძლოა ფლობდეს გამოძიებისთვის საინტერესო და საჭირო ინფორმაციას, ითანამშრომლონ გამოძიებასთან და მიაწოდონ მათ ხელთ არსებული ინფორმაცია, რომელიც ხელს შეუწყობს გამოძიების სწრაფად და ობიექტურად წარმართვას.

შინაგან საქმეთა სამინისტრო ნინოწმინდაში მდებარე ობოლ, უპატრონო და მზრუნველობამოკლებულ ბავშვთა პანსიონატში აღსაზრდელების მიმართ შესაძლო დანაშაულის ჩადენის ფაქტებზე გამოძიებას საქართველოს სისხლის სამართლის კოდექსის 126-ე მუხლის პირველი პრიმა ნაწილით აწარმოებს.

შინაგან საქმეთა სამინისტრო პანსიონატთან დაკავშირებით მიმდინარე გამოძიების შესახებ, საჯარო ინტერესიდან გამომდინარე, პერიოდულად აცნობებს საზოგადოებას, – წერს შსს.

გააზიარეთ და მოიწონეთ სტატია:

მსგავსი სტატიები:

ბოლო 24 საათში პირბადის ტარების წესის დარღვევისთვის 945 მოქალაქე დააჯარიმეს სოფიო ღლონტი-ფარფატა “პეპელა”, სიყვარულზე შეყვარებული გურული პოეტი 2020 წლის 9 თვის მონაცემებით საქართველოში 19 ქალი მოკლეს – საია გამყრელიძე: “4-6 კვირიანი “ლოქდაუნის” შემოღების ყველა საფუძველი გვაქვს” ყველა დროის ყველაზე ძვირადღირებული განქორწინებები – როგორ იყოფენ მილიარდერები ქონებას? საქსტატი: უმუშევრობის დონე 18.5 პროცენტამდე გაიზარდა 2020 წელს მიღებულია ზომები გერმანიაში დასაქმებული ქართველების პირობების გაუმჯობესებისთვის ბიძინა კულუმბეგოვი განმარტავს, რა შეიძლება აცრის შემდეგ და რისგან უნდა შეიკაოს ვაქცინირებულმა ადამიანმა თავი