ბესლეთის ხიდი ოკუპირებულ აფხაზეთში მდებარეობს და ეს ფოტოც ქალაქ სოხუმის მახლობლად, მდინარე ბესლეთზე არის გადაღებული. ხიდი შუა საუკუნეების ქართული არქიტექტურის ნიმუშს წარმოადგენს, რომლის ხუროთმოძღვარს, როგორც ჩანს, ამ მდინარის თვისება კარგად ჰქონდა შესწავლილი.
ბესლეთის ხიდის ანალოგები საქართველოს სხვა კუთხეებშიც გვაქვს, კერძოდ: რკინის თაღოვანი ხიდი ქართლში და დანდალოს ხიდი აჭარაში.
ხიდის დასავლეთ კიდეზე ამოტვიფრულია ერთსტრიქონიანი ასომთავრული წარწერა, რომელშიც მოხსენიებულია მეფე ბაგრატი, წარწერა დათარიღებულია X-XII საუკუნეებით.
მიუხედავად იმისა, რომ წარწერაში დასახელებულია მეფე ბაგრატი, ადგილობრივმა მოსახლეობამ თამარ მეფისადმი (ერთიანი საქართველოს მეფე 1184-1213) დიდი სიყვარულის დასტურად, ამ ხიდს თამარის ხიდი შეარქვა.
ინტერნეტგამოცემა “აფხაზეთის მოამბის” ცნობით, ბესლეთის ხიდის შესწავლა და მისი რესტავრირება შეუძლებელია.
ხიდი საჭიროებს გამაგრებას და მცენარეული საფარისგან გაწმენდას.
ამავე ინფორმაციით, ბესლეთის ხიდს მინიჭებული აქვს საქართველოს ეროვნული მნიშვნელობის ძეგლის სტატუსი.
მსგავსი სტატიები:
Black Sea Arena 2020 წლის გერმანული დიზაინის პრემიის გამარჯვებული გახდა
10 პროდუქტი, რომელიც იანვარში გაიაფდა
ცნობილი გერმანელი მწერლის და, რომელიც ციხეში გილიოტინით დასაჯეს
“ასე გამოიყურება თითქმის ყველა ეზო გურიაში”-ციტრუსის ჩავარდნილი სეზონი
“მამაჩემი სასულიერო პირია”… – ვარლამ გოლეთიანი განმარტავს, რატომ ჩავიდა ჭყონდიდში
წარწერა სასაფლაოს ჭიშკარზე: “ვიკეტებით სააღდგომოდ, გავიხსნებით საარჩევნოდ” – იუმორი
პატრიარქის სააღდგომო ეპისტოლე
ოპერატორებმა ლექსო ლაშქარავას „კამერების კორიდორი“ მოუწყვეს – კოლეგები გარდაცვლილ ოპერატორს ტაშით დაემშვიდობნენ