ბადრი ესებუას მამა: “8 თვეა ბადრის არაფერი ვიცი, ცოცხალია თუ მკვდარი, ის ჩემთვის მკვდარია”

ბადრი ესებუას მამა ამბობს, რომ ის მისთვის მკვდარია. ტარიელ ესებუას თქმით, მეორე შვილის ამბავი აინტერესებს, რომელიც უდანაშაულოა და ციხეში ზის.

“სულ ტელევიზორს ვუყურებ, რომ არაფერი გამომრჩეს. 8 თვეა ბადრის არაფერი ვიცი, ცოცხალია თუ მკვდარი. ის ჩემთვის მკვდარია, ჩემი შვილია, მაგრამ მისი არაფერი მაინტერესებს. მე მეორე შვილის ამბავი მაინტერესებს, უდანაშაულო კაცი ზის ციხეში… ახლა რა აუტანელი მდგომარეობაცაა ჩემს ოჯახში, მტერს არ ვუსურვებ – ორივე შვილი დამეღუპა, მშობლები გავნადგურდით… ბადრისთან არც არაფერი მაქვს სათქმელი. ჩაიდინა თუ არა ის დანაშაული, დღეს მის გამო მისი ძმა ციხეშია და ჩვენ ცოცხლად დაგვმარხა. მორჩა, ის ჩემთვის მკვდარია!” – ამბობს “კვირის პალიტრასთან” ტარიელ­ ესებუა.

ტარიელ ესებუა ამბობს, რომ ძებნილ ბადრი ესებუაზე არაფერი იცის და წარმოდგენა არ აქვს სად შეიძლება იყოს. მისივე ინფორმაციით, ბიძინა ესებუა ციხეში პროტესტის ნიშნად შიმშილობს.

“ვერაფრით დავეხმარე ჩემს უდანაშაულო შვილს, ის მძევალია, ბადრის გამო აიყვა­ნეს და ეწამება. იმ თვეში დამთავრდება ბიძინას ამბავი და ვნახოთ, რა იქნება, რასაც მოისურვებენ, იმას უზამენ. ჩემი თავი სულ არ მადარდებს, ერთი დღე არ ვიცოცხლებდი ამ მდგომარეობაში, ბიძინას პატარები რომ არა, ხვალვე მოვიკლავდი თავს”, – ამბობს ტარიელ­ ესებუა.

გააზიარეთ და მოიწონეთ სტატია:

მსგავსი სტატიები:

ბორჯომის წმინდა გიორგის სახელობის ტაძრის წინამძღვრი კორონავირუსით გარდაიცვალა 15 წლის გოგოსთან სქესობრივი დანაშაულის ფაქტზე დაკავებული კაცი სასამართლომ გაათავისუფლა რობერტ სტურუამ თეატრი შემაძულა – ნინუცა მაყაშვილი NASA პლანეტა ვენერაზე ორ მისიას გაუშვებს TBILISI PRIDE: 5 ივლისს, რუსთაველის გამზირზე, ღირსების მარში გაიმართება „ბუმერანგის პრინციპი – როცა ვეხმარებით სხვებს, ამით ვეხმარებით საკუთარ თავს“ “სულ ამბობ აქედან წასვლა გინდა…დავუშვათ წახვედი, მერე” ? – ემიგრანტი დედების დილემა “იმდენი იძახეს დისტანცია დაიცავითო, აჰა…” – ფოტო