გუშინდელ აქციაზე სხვა ჟურნალისტებთან ერთად მოქალაქეებს მაია ასათიანმაც მიმართა და განაცხადა, რომ “არ არსებობს საქართველოში ხელისუფლება, რომელიც გაერთიანებულ მედიასთან ომს მოიგებს”.
“20 წლის წინ, როდესაც გიორგი სანაია მოგვიკლეს, მაშინ დამწყები ჟურნალისტები ვერ ვაცნობიერებდით, რომ ეს იყო ხელისუფლების სიკვდილი და ის ხელისუფლება წავიდა.
მერე იყო 7 ნოემბერი და ჩვენ უკვე ვიცოდით, რომ იმ ხელისუფლებასაც აღარ ადგა დიდი დრო. ახლა მთელმა საზოგადოებამ იცის, რომ ხელისუფლება მედიასთან ომში ყოველთვის წაგებული გამოდის.
ამიხსენით, ხალხო, რა არის ეს ქართველობა? – როდესაც 40 კაცი გამეტებით, ერთს, სასიკვდილოდ ურტყამს… როდესაც ის ერთი ოპერატორი, პატარა 20 წლის გოგონას გადაეფარა და საკუთარი სიკვდილით გადაარჩინა.
რა არის ქართველობა? – ქრისტიანობა არის თავმდაბლობა, შემწყნარებლობა, დევიზი – არ განიკითხო და მთავარი – არა კაცკლა!
დღეს ჩვენ აქ ვდგავართ ლექსო ლაშქარავას – მედია ლაშქარი! მე ყველას გთხოვთ, რომ ჩვენს გვერდით დადგეთ.
არ არსებობს ხელისუფლება, რომელიც აგერთიანებულ მედიასთან ომს მოიგებს. დღევანდელი სიკვდილით ქართული მედია თავიდან დაიბადა. უფრო ძლიერი გახდა. ჩვენ ბევრნი ვართ, ჩვენს მაყურებელთან ერთად.
მოგმართავთ აი, იმ წვეროსნებს – ეს რა ქართველობაა? – როცა მიცვალებულს ძალით ართმევენ დედას, ცელოფანში ახვევენ და ლიფტში ტენიან!…
ალბათ, მე ერთ-ერთი იმ ადამიანთაგანი ვარ, ვისაც დღეს ყველაზე კარგად ესმის ლექსო ლაშქარავას დედის. სად არის ნამდვილი საქართველო? – სად არის და აი, აქ არის – თავისუფალი, დამოუკიდებელი და ფერადი!” – განაცხადა მაია ასათიანმა სიტყვით გამოსვლისას.
მსგავსი სტატიები:
ავთანდილ თალაკვაძემ თანამდებობა დატოვა
“ეს არის შემთხვევა, როცა დაცული სიკეთე უფრო მნიშვნელოვანია, ვიდრე შესაძლო ზიანი”
“მეცხრე წელია, რაც ოლიგარქს ტროლთა ინსტიტუტი აქვს ოფიციალურად”
ელისო ბოლქვაძე უმრავლესობის სხდომაზე შესვლამდე, ბერას სიმღერას დემონსტრაციულად უსმენდა
მამუკა მდინარაძე – IRI-ის შეფასებით, საპარლამენტო არჩევნები ერთ-ერთი ყველაზე დემოკრატიული და თავისუფალი იყო
ფარული ჩანაწერები-რას პასუხობს მიხეილ სააკაშვილი ირაკლი ღარიბაშვილს
აუცილებლად აიცერით! ნუ მოუსმენთ ანტივაქსერ ჯალათებს! – ნიკა გვარამია
ზონის უფროსები, კოორდინატორები, მხარდამჭერები _ ოზურგეთში “ოცნების” გუნდის რღვევა გრძელდება