“გამოცდის მესამე ფაზის ანალიზი ადასტურებს ვაქცინების გრძელვადიან უსაფრთხოებას!”

თეა კეკელიძე, შვეიცარიაში მომუშავე მეცნიერი:

“მთავარი გზავნილები დელტას გარშემო:

– ვაქცინა ინფიცირების შანსს ამცირებს დაახლოებით 3-ჯერ; ინფიცირების შემთხვევაში ავად გახდომის შანსს (სიმპტომატური კოვიდი) ამცირებს 8-ჯერ; ჰოსპიტალიზაციისა და სიკვდილის ალბათობას ამცირებს 25-ჯერ.

– ვაქცინირებული ადამიანი დაინფიცირების შემთხვევაში, გაცილებით ნაკლები ხნითაა ვირუსის გადამდები, ვიდრე აუცრელი (რადგან მიუხედავდ ხახის ლორწოვან გარსში შეღწევისა, ვირუსს საბოლოოდ მაინც ბლოკავს სისხლში ცირკულირებადი ანტისხეულები, რომლებიც ვაქცინაციის შედეგად გამომუშავდა).

– შესბამისად: აცრილი ადამიანი მნიშვნელოვნადაა დაცული გართულებული ავადმყოფობისგან, ჰოსპიტალიზაციისგან და სიკვდილისაგან. ის ასევე გარკვეულწილადაა დაცული ვირუსის შეყრისაგან და ნაკლები ხნითაა გადამდები.