მოპედების რეგისტრაცია სავალდებულო 2022 წლის 1-ელი მარტიდან გახდება. პარლამენტის იურიდიულ საკითხთა კომიტეტმა, მეორე მოსმენით, მთავრობის საკანონმდებლო ინიციატივა განიხილა, რომლის თანხმად, მოპედები მექანიკურ სატრანსპორტო საშუალებებს უთანაბრდება და მათზე იგივე მოთხოვნები გავრცელდება, რაც ნებისმიერ მექანიკური სატრანსპორტო საშუალებისთვის არის დადგენილი.
“მოპედების მძღოლებს მოუწევთ მოპედების რეგისტრაცია და ახალი ტიპის – AM კატეგორიის მართის მოწმობის აღება. მოპედების რეგისტრაცია 2022 წლის 1 მარტამდე იქნება ნებაყოფლობითი, ხოლო 2022 წლის 1 მარტიდან სავალდებულო“, – განაცხადა შინაგან საქმეთა მინისტრის მოადგილემ ალექსანდრე დარახველიძემ.
კიდევ ერთი ცვლილება, რასაც კანონპროექტი ითვალისწინებს არის ის, რომ სატრანსპორტო საშუალების მართვის უფლების მისაღები გამოცდის პრაქტიკული ნაწილი ორეტაპიანი გახდება.
ალექსანდრე დარახველიძის განმარტებით, ცვლილებების ერთ-ერთი ძირითადი მიმართულება ასოცირების დღის წესრიგით ნაკისრი ვალდებულებების იმპლემენტაციაა, რის შედეგადაც, საბოლოო ჯამში, შესაძლებელი იქნება ქართული მართვის მოწმობის გადაცვლა ევროპული ქვეყნების მართვის მოწმობებში.
მსგავსი სტატიები:
დღეს კორონავირუსით გარდაცვლილი 7 პაციენტიდან 3 აჭარიდანაა
“ესპანელი ღმერთს აუგად იხსენიებს, ამიტომ გაივსო იქაურობა მკვდრებით”- დეკანოზი თადეოზი
დღეს, გურიის რეგიონის საჯარო და კერძო სკოლებში სასწავლო პროცესი საკლასო ოთახებში განახლდა
“ასობით ადამიანი იმიტომ გაწირეთ სასიკვდილოდ, რომ არჩევნების წინ არ გაწყობდათ ზომების გამკაცრება?”
საქართველომ $500 მლნ-ის სესხი აიღო – ფინანსთა მინისტრი
მსახიობი ბესო ზანგური ყველა როლიდან დროებით მოხსნილია
ედიტ პიაფი – ლეგენდარული მომღერლის, დატანჯული ცხოვრება
დისტანციურად მუშაობისთვის საუკეთესო 10 ქალაქი