დმანისსა და რუსთავში მომხდარ ინციდენტებთან დაკავშირებით, რა დროსაც ოპოზიციის მხარდამჭერები დაჭრეს, ხოლო “ქართული ოცნების” ყოფილ წევრს სცემეს, აშშ-ის საელჩო სპეციალური განცხადებით ეხმაურება:
“ამერიკის შეერთებული შტატები გმობს ძალადობრივ, როგორც ჩანს, პოლიტიკურად მოტივირებულ თავდასხმებს, რომელსაც ადგილი ჰქონდა გუშინ დმანისსა და რუსთავში. ეს და ქვეყნის მასშტაბით ოპოზიციის კანდიდატების მიმართ ზეწოლისა და დაშინების შესახებ მრავალი ცნობა წარმოშობს სერიოზულ ეჭვებს მთავრობის ერთგულებაზე უსაფრთხო წინასაარჩევნო კამპანიისა და დემოკრატიული არჩევნების მიმართ.
ძალადობა მიუღებელია ნებისმიერ საარჩევნო კამპანიაში. მთავრობას აქვს ძირითადი პასუხისმგებლობა, შექმნას ისეთი გარემო, რომელიც დაიცავს ადამიანის უფლებებს და უზრუნველყოფს თავისუფალ, სამართლიან და კონკურენტულ არჩევნებს, რომლის მიმართაც ამომრჩეველს ექნება ნდობა.
საქართველოს ხელისუფლებამ უნდა გააორმაგოს ძალისხმევა იმის უზრუნველსაყოფად, რომ კანდიდატებმა და მათმა მხარდამჭერებმა შეძლონ შეკრებისა და სიტყვის თავისუფლების დემოკრატიული უფლებებით სარგებლობა დაშინების, შევიწროების ან ძალადობის საფრთხეების გარეშე, აგრეთვე, შეძლონ აქტიური ნაბიჯების გადადგმა იმ პირთა პასუხისგებისთვის, ვინც არღვევს არჩევნების პირობებს.
ყველა პარტიას აქვს სამოქალაქო ვალდებულება, ხელი შეუწყოს მშვიდობიან გარემოს, რომელშიც მოქალაქეები შეძლებენ იმსჯელონ სხვადასხვა საკითხზე, გამოხატონ თავიანთი აზრი, თუ რას ანიჭებენ უპირატესობას და აირჩიონ მათთვის სასურველი კანდიდატები ძალადობისა და დაშინების საფრთხის გარეშე.” ნათქვამია საელჩოს განცხადებაში.
მსგავსი სტატიები:
“თუ იცი რა კაცია?- “ოცნების” ამნისტია რო იყო, არ გამუუშვეს”
ვინ აიცრება და სად ჩატარდება ვაქცინაცია- გეგმა
ისრაელში დასაქმების მსურველ საქართველოს მოქალაქეებს რეგისტრაცია დღეიდან შეეძლებათ
ცვლილებები “ქართულ ოცნებაში”
გამყრელიძე: ჯერ არ გადავმდგარვარ და რა ვქნა ახლა
გომის მთაზე ასასვლელი გზის სარეაბილიტაციო სამუშაოები აქტიურად მიმდინარეობს
წინასაარჩევნო აღვირახსნილობა ოზურგეთში – ის, რასაც “გარემოსდაცვა” ვერ ხედავს (ვიდეო)
განკვეთილ სასულიერო პირებს შორისაა მიხეილ მდივანი – იგივე ბერმონაზონი ათინოგენი