აშშ-ს ელჩი საქართველოში, კელი დეგნანი ამბობს, რომ მომავალ არჩევნებს საქართველოს საერთაშორისო პარტნიორებისთვის დიდი მნიშვნელობა აქვს და ამ პროცესების მიმართ დიდი ყურადღება იქნება.
დეგნანმა აღნიშნა, რომ 2 ოქტომბრის არჩევნებმა უნდა აჩვენოს გაუმჯობესება, რაც დემოკრატიის მიმართ, ქვეყნის ერთგულების ნიშანი იქნება.
“მოხარული ვარ, რომ ბოლო დღეებში ვიხილეთ გამოკითხვები, რომლებიც წინასწარმეტყველებენ, რომ ძალიან დიდი იქნება ამომრჩეველთა აქტივობა ამ არჩევნებზე. იმედი მაქვს იქნება მშვიდობიანი და წყნარი არჩევნები, და შეეძლებათ ადამიანებს, რომ გამოხატონ საკუთარი ნება.
გამოვთქვით შეშფოთება დაშინების და შევიწროვების გამო, არ არის წინასაარჩევნო კამპანიის ფარგლებში ამ ფაქტების ადგილი, ასევე, სიძულვილის ენა კიდევ უფრო უწყობს ხელს საზოგადოების ერთმანეთთან დაშორებას, გარემო ისედაც პოლარიზებულია, ასე რომ მიუღებელია თავდასხმები მედიისა და სამოქალაქო საზოგადოების წინააღმდეგ. მედიამ უნდა შეძლოს საკუთარი საქმიანობის მშვიდ გარემოში განხორციელება […]
არჩევნებმა უნდა აჩვენოს გაუმჯობესება, რომ ის წინაზე უკეთესია, სწორედ ეს იქნება ნიშანი ქვეყნის ერთგულების და დემოკრატიული განვითარების მიმართ, იმედი მაქვს ამ არჩევნებზე ასე იქნება”, – თქვა კელი დეგნანმა.
დეგნანის თქმით, აშშ-ს საელჩოდან 100-მდე დამკვირვებელი ჩაერთვება პროცესში. ცესკო-ს მონაცემებით, 2 ოქტომბრის არჩევნებს 52 საერთაშორისო მისიის და საელჩოს წარმომადგენელი დააკვირდება.
ცნობისთვის, უკვე ქვეყანაშია ევროპარლამენტარების ჯგუფი.
მსგავსი სტატიები:
ჩვენი განთავისუფლების სანაცვლოდ, ოპოზიცია პარლამენტში არუნდა შევიდეს- მელაშვილი
“დღეს გაცილებით შებოჭილად ვგრძნობ თავს, ვიდრე ჩემს საბჭოთა ახალგაზრდობაში
დიდი კორუფციული გარიგებები და უკანონო მშენებლობების ბუმი ბახმაროში
მოვუწოდებ პარლამენტს, არ მიიღოს მანდატების გაუქმრბის გადაწყვეტილება- პრეზიდენტი
“ვიდრე “ენმ” ელოდება კიევიდან რა ფერის ბოლი ამოვა, ჩვენ უკვე ოპოზიციასთან შევჯერდით”-“ოცნება”
წარმოუდგენელია, ვინმემ 26 მაისი ან 7 ნოემბერი 20 ივნისს შეადაროს – მამუკა მდინარაძე
ნეტა ყველამ მისმინოს და ითვალისწინებდნენ რასაც ვამბობ – დავითულიანი ჩანაწერებზე
“…პარლამენტში დარჩენილმა ნაცებმა ნაღდად ივლისის პრემია აიღეს” – ირაკლი ოქრუაშვილი