შინაგან საქმეთა სამინისტროს ინფორმაციით, გურიაში საფლავების გაქურდვის გამო წარსულში ნასამართლევი 2 პირი – 1980 წელს დაბადებული რ.პ. და 1991 წელს დაბადებული კ.კ., დააკავეს.
ბრალდებულებმა ლანჩხუთის მუნიციპალიტეტში 5 საფლავი, მათ შორის შინდისის გმირის – რუსლან წულაძის საფლავი გაქურდეს.
“გამოძიებით დადგინდა, რომ ბრალდებულებმა სხვადასხვა დროს, ლანჩხუთის მუნიციპალიტეტში 5 საფლავი გაქურდეს. მათ შორის, დაკავებულები სოფელ ქვიანში მდებარე, შინდისის გმირის – რუსლან წულაძის საფლავზე განთავსებულ ალუმინის ნაკეთობას მართლსაწინააღმდეგოდ დაეუფლნენ. ბრალდებულებმა საფლავებიდან მოპარული ლითონის დეტალები ქალაქ ზესტაფონში მდებარე შავი და ფერადი ლითონების მიმღებ პუნქტში ჩააბარეს. პოლიციამ ნაქურდალი ნაკეთობები ნივთმტკიცების სახით ამოიღო”, – წერია უწყების განცხადებაში.
მიცვალებულისადმი უპატივცემულობის და საფლავზე არსებული ნივთის ჯგუფურად მართლსაწინააღმდეგო დაუფლების ფაქტებზე გამოძიება საქართველოს სისხლის სამართლის კოდექსის 258-ე მუხლის მე-3 ნაწილის „ა“ ქვეპუნქტით მიმდინარეობს.
დანაშაული 3 წლამდე ვადით თავისუფლების აღკვეთას ითვალისწინებს.
მსგავსი სტატიები:
ლანჩხუთის საფეხბურთო აკადემიის მწვრთნელებს და ფეხბურთელებს კორონავირუსი დაუდასტურდათ
ვინ არის 20 წლის ოზურგეთელი ბიჭი, რომელიც ჭიდაობაში საქართველოს ჩემპიონი გახდა
“ძალიან მაკლია ის ლაპარაკი, სადღაც ჩაკარგული და უთქმელი”
გომის მთაზე ასასვლელი გზის სარეაბილიტაციო სამუშაოები აქტიურად მიმდინარეობს
რა აღნიშნა 1908 წელს ოზურგეთის მაზრის ყოფილმა უფროსმა ლაზარენკომ ,,გურიის რესპუბლიკის” სასამართლო პროცესზე – ირაკლი მახარაძე
ურეკში ბავშვთა სოფელი მოეწყობა
გურიის გუბერნატორს ორი ახალი მოადგილე ეყოლება
“შე აბდალო ამბავი აქანე უნდა მეიტანო, აქედან კი არ უნდა გეიტანო!”