სერბეთის დედაქალაქ ბელგრადში მიმდინარე 23-წლამდელთა მსოფლიოს ჩემპიონატზე საქართველოს ბერძნულ-რომაული სტილით მოჭიდავეთა ნაკრების წევრი ლერი აბულაძე გამარჯვებული გახდა.
63 კილოგრამამდე წონით კატეგორიაში მოჭიდავე აბულაძემ ოქროსკენ მიმავალ გზაზე ყაზახი ასაუხატ მუხამადიევი (5:1), რუსი გეორგი ტიბილოვი (7:3), ირანელი ალი რეზა აიატ ნეჯატი (7:3) ჩამოიცილა, ხოლო გადამწყვეტ ორთაბრძოლაში თურქ აჰმეტ უიარს 3:1 სძლია.
აღსანიშნავია, რომ აბულაძემ წელს დიდების მსოფლიოს ჩემპიონატის ფინალშიც იჭიდავა და იქაც ოქროს მედლამდე ცოტა დააკლდა – ირანელ მეისამ დალხანისთან 4:5 წააგო.
ლერი აბულაძის გარდა მედლის მოპოვების შანსი კიდევ ოთხ მოჭიდავეს აქვს, აქედან ორი ფინალშია: აივენგო რიკაძე (82) და ფრიდონ აბულაძე (60), ხოლო ჯონი ხეცურიანი (67) და ოთარ აბულაძე (72) კი, ბრინჯაოს მედლებისთვის იბრძოლებენ.
მსგავსი სტატიები:
“გურიას” ყოფილი მთავარი მწვრთნელი გარდაიცვალა
სანაგვეში ნაპოვნი ფეხსაცმელებიდან ოლიმპიურ ჩემპიონობამდე
ვარლამ ლიპარტელიანმა სპორტული კარიერა დაასრულა
ძიუდოისტმა, გურამ თუშიშვილმა ტოკიოს ოლიმპიურ თამაშებზე ვერცხლის მედალი მოიპოვა
იაკობ ქაჯაია ნახევარფინალშია – მან რუსი მეტოქე დაამარცხა
ნინო თიბილაშვილი ფინალშია, ირმა ხეცურიანი ბრინჯაოს მედლისთვის იბრძოლებს – ტოკიოს პარალიმპიური თამაშები
“ეს მატჩი არ უკავშირდება კოსოვოს მხარის, როგორც დამოუკიდებელი სახელმწიფოს რაიმე ფორმით აღიარებას”
ერთი ოქრო , ოთხი ვერცხლი და სამი ბრინჯაო ჩვენია!