საქართველოს პრეზიდენტი სალომე ზურაბიშვილი მიხეილ სააკაშვილის გორის სამხედრო ჰოსპიტალში შესაძლო გადაყვანასთან დაკავშირებით განცხადებას ავრცელებს და წერს, რომ ამ გადაწყვეტილებას მიესალმება. ზურაბიშვილი წერს, რომ მიესალმება ელენე ხოშტარიას შიმშილობის შეწყვეტასაც.
”მივესალმები ყოფილი პრეზიდენტის გადაყვანის გეგმას გორის სამხედრო ჰოსპიტალში, რადგან ეს არის ადგილი, რომელიც აკმაყოფილებას ყველა სტანდარტს, როგორც სამედიცინო, ასევე უსაფრთხოების მიმართულებით.
ამდენად, ეს გადაწყვეტილება სრულად პასუხობს სტრასბურგის სასამართლოს მოთხოვნას, რომელსაც წინასწარ დაეთანხმა თვით, ყოფილი პრეზიდენტი და განაცხადა, რომ შეწყვეტდა შიმშილობას მულტიპროფილურ კლინკიკაში გადაყვანის შემთხვევაში.
მივესალმები ასევე, ელენე ხოშტარიას გადაწყვეტილებას შიმშილობის შეწყვეტასთან დაკავშირებით. მნიშვნელოვანი და სწორია ოპოზიციის მზაობა არ გამართოს საპროტესტო აქციები კლინიკის მიმდებარე ტერიტორიაზე და ასევე, ზოგი პარტიის გადაწყვეტილება პარლამენტის ბოიკოტის შეწყვეტის შესახებ. დღევენდელი გადაწყვეტილებები წინ გადადგმული ნაბიჯებია, რაც საზოგადოების დაწყნარებასა და ქვეყნის სტაბილურობას უზრუნველყოფს,” – ნათქვამია სალომე ზურაბიშვილის განცხადებაში.
მსგავსი სტატიები:
ვოლსკი კარტოგრაფებს არასპეციალისტ მიწათამზომველებს უწოდებს
ჩხოროწყუსკენ სპეცრაზმის კოლონა მიემართება
ბანკებმა მოქალაქეებს მთავრობის ფულადი დახმარება, სესხებში თვითნებურად გაუქვითეს
სალომე ზურაბიშვილი გიორგი რურუას 27 აპრილს შეიწყალებს
რატომ დატოვა თანამდებობა უფროსმა პროკურორმა ზაზა დათუკიშვილმა
მიხეილ სააკაშვილი ახლა საქართველოშია, მე როგორც მისი ოფისის ხელმძღვანელი ეს შემიძლია დავადასტურო – მარია ბარაბაშ
“ხვალ მიდით არჩევნებზე… მე არ მეშინია და თქვენც ნუ შეგეშინდებათ” | მიხეილ სააკაშვილის ბოლო მიმართვა დაკავებამდე
“როგორც არასდროს ისეთი შემართებით ვარ…თუ გვინდა სამუშაო ადგილები, მატერიალური მდგომარეობის გაუმჯობესება, მაშინ ხმა უნდა მივცეთ ოპოზიციურ ძალებს”-ანზორ მელია