გურული აზნაური და “ჭინკა”

გურულებს მიაჩნიათ, რომ ჭინკის დატყვევება შესაძლებელია, არსებობს ერთი გადმოცემა, რომლის მიხედვითაც ერთ აზნაურს ღამით ცხენით მგზავრობისას მამალი ჭინკა უკნიდან ცხენზე შემოახტა, აზნაურმა უმალვე ჭინკას ხელი წაავლო და ქამრით წელზე მიიბა, მივიდა თუ არა სახლში ჭინკა ცარიელ ჭურში ჩააგდო და ჭურის თავიც კარგად დაუგმანა.

დიდხანს ყავდა გურულ აზნაურს ჭინკა დატყვევებული, ბოლოს ჭინკამ ხვეწნა დაუწყო გამათავისუფლეო და დავიფიცებ, რომ არც შენ და არც არცერთ შენს ახლობელს არაფერს არ ვავნებო, ასევე ჩამოთვალა ყველაფერი რაც ებადა აზნაურს და უთხრა, რომ არასდროს არ დაუზიანებდა არანაირ სიკეთესა და ქონებას, მხოლოდ ცეცხლზე არ უთქვამს არაფერი, რაც ასევე ჭინკის დამტყვევებელ აზნაურსაც გამორჩენია.

ფიცის დადების შემდეგ ჭინკა აზნაურმა გაანთავისუფლა, მოშორდა თუ არა იგი სახლს მობრუნდა და დაუძახა მის დამტყვევებელს: „ყოველ კალანდას ცეცხლი გიქრებოდეს!“ ამის შემდეგ აზნაურისა და მისი შთამომავლობის ოჯახებში ახალ წელს ცეცხლს ვერ ანთებენ და სხვა დღეებში კი ძალიან ძნელია ცეცხლის დანთება.

კავკასიის ადგილთა და ტომების აღწერის მასალათა კრებული (1893 წელი) – ავტორი ტ. მამალაძე

მოამზადა კახა ჩავლეშვილმა

გააზიარეთ და მოიწონეთ სტატია:

მსგავსი სტატიები:

შავი პომიდორი, იასამნისფერი სტაფილო და ფერადი წიწაკები – ზაფხულიდან ქართულ ბაზარზე ახალი პროდუქტები გამოჩნდება “ქართულ ოცნებას” მოუწევს ოპოზიციაში გადანაცვლება, ესაა ჩემი ოცნება – ივანიშვილი ბავშვი მხოლოდ უზნეობის გამო არ ჯიუტობს “ასეთ სახლში იზრდებოდა უწინ ყველა” შეცვალეთ თქვენი ცხოვრება ჯადოსნური სიტყვებით თბილისში VIII საუკუნის არაბული წარწერა ცხელი გუდრონით გადაშალეს უკანონო ჭრების შედეგად, სახელმწიფოს ორ წელიწადში 20 მლნ ლარის ზიანი მიადგა ჩოხატაურის საკათედრო ტაძრის წინამძღვარი კორონავირუსით გარდაიცვალა