კოვიდკლინიკები ისევ გადატვირთულია. ბოლო რამდენიმე კვირაა ჰოსპიტალურ სექტორს პაციენტების მიღება უჭირს. კოვიდცენტრებში არიან ინფიცირებული ორსულები და ბავშვები.
ექიმების თქმით, თუ “ომიკრონი” გავრცელდება, შესაძლოა ჯანდაცვის სექტორმა განტვირთვა ვერ მოასწროს. მთავარი რეკომენდაცია ისევ რეგულაციების დაცვა და ვაქცინაცია რჩება.
თბილისის სახელმწიფო სამედიცინო უნივერსიტეტის პროფესორი, ექსპერტი ჯანდაცვის საკითხებში დევი ტაბიძე აცხადებს, რომ ძალიან სწრაფად მოხდება კორონავირუსის მე-6 ტალღაში გადასვლა.
“მე ადრეც ვიწინასწარმეტყველე, რომ ის ძალიან მალე შემოვიდოდა, სადღაც დეკემბრის შუა რიცხვებში და აუცილებლად შემოვა. ჩვენ პრაქტიკულად ისე გადავალთ იმ მე-6 ტალღაში, რომ ამას ვერც შევიგრძნობთ. მაქსიმალური დაცვა არის მხოლოდ დამატებით ვაქცინაციაში. ძალიან ბევრს ექნება ასეთი შეგრძნება, როგორიც არის ჩვეულებრივი რესპირატორული დაავადებები, რომც არ გაიტესტოს ჩვეულებრივად ის ამ დაავადებების გადატანას ვერ შეიგრძნობს. არის გარკვეული ჯგუფები, რომლებიც პირიქით სერიოზულად მძიმდება და ამისათვის ჩვენ უნდა ვიყოთ მზად,”- განაცხადა დევი ტაბიძემ.
ცნობისთვის: კორონავირუსით გარდაცვალების მაჩვენებელი ქვეყანაში კვლავ მაღალია. მხოლოდ ბოლო 24 საათში კოვიდს კიდევ 45 ადამიანის სიცოცხლე შეეწირა. გამოვლინდა ვირუსის 1 296 ახალი შემთხვევა.
მსგავსი სტატიები:
რესპუბლიკური საავადმყოფოს კლინიკურ მენეჯერს კორონავირუსი დაუდასტურდა
რა პერიოდში მიიღებს საქართველო ვაქცინას- რა თქვა covax-პლატფორმის წარმომადგენელმა
რა მოხდება, თუ ვაქცინაცია დროულად არ დაიწყება – ნანა გეგეჭკორის განმარტება
ნებისმიერ დროს შესაძლებელია დასრულდეს გულის გაჩერებით – რატიანი 27 წლის ექთანზე
კორონავირუსის ვაქცინით გასულ დღე-ღამეში 1 560 პირი აიცრა, სულ – 34 897
ბათუმში კორონავირუსით 20 წლის ქალი გარდაიცვალა
“კვლევა გამოქვეყნდა რამდენიმე საათის წინ“– რა ინფორმაციას ავრცელებს ნანა გეგეჭკორი
10 დეკემბრის კოვიდსტატისტიკა