იუსტიციის სამინისტროს ინფორმაციით, ახალშობილთა მშობლებს, რომლებიც იუსტიციის სამინისტროს შვილის დაბადების რეგისტრაციისთვის მიმართავენ, სასაჩუქრე ვაუჩერს გადასცემენ. ვაუჩერის ღირებულება 25 ლარია და მისი გამოყენება ბავშვთა მოვლისა და კვების პროდუქტების შესაძენად იქნება შესაძლებელი.
მშობლები ვაუჩერებს 15 დეკემბრიდან მიიღებენ.
უწყების ცნობით, ამ გზით პროექტი “კეთილი იყოს შენი მობრძანება”, რომელიც დღემდე სოციალურად დაუცველ ოჯახებში დაბადებული ახალშობილებისათვის იყო განკუთვნილი, საყოველთაო ხდება.
სამინისტროში ამბობენ, რომ მშობლებს ფასდაკლების ბარათებსაც გადასცემენ:
“სოციალურად დაუცველი ოჯახების გარდა, სასაჩუქრე ნაკრები გადაეცემა იუსტიციის სახლში, საზოგადოებრივ ცენტრსა თუ სახელმწიფო სერვისების განვითარების სააგენტოს ტერიტორიულ სამსახურში მისულ ყველა მშობელს, რომელიც პირველად იღებს ბავშვის დაბადების დამადასტურებელ მოწმობას. მათ ბავშვთა მოვლისა და კვების პროდუქტების 25-ლარიანი ვაუჩერები გადაეცემათ. გარდა ამისა, ბავშვის საფენების, კვებისა და მოვლის კონკრეტულ ბრენდებს 10-20-40%-იანი ფასდაკლებით შეიძენენ”, – აცხადებენ სამინისტროში.
მათივე თქმით, “მნიშვნელოვნად უმჯობესდება” სოციალურად დაუცველთა სასაჩუქრე პაკეტიც.
“სოციალურად დაუცველ ოჯახებში დაბადებული ახალშობილების მშობლები, შვილის დაბადების მოწმობასთან ერთად, ჩვილის ტანისამოსისა და ჰიგიენური საშუალებების გარდა, ბავშვთა მოვლისა და კვების პროდუქტებზე 25-ლარიან ვაუჩერებს მიიღებენ; ბავშვის საფენების, კვებისა და მოვლის ბრენდებზე კი ერთი წლის განმავლობაში 30-40-პროცენტიანი ფასდაკლებით ისარგებლებენ. ამასთან, ბენეფიციარები სხვადასხვა მწარმოებლის პროდუქციის შეძენისას ერთჯერადად 50-პროცენტიანი ფასდაკლების ბარათით სარგებლობას შეძლებენ”, – ამბობენ უწყებაში.
სამინსიტროს ცნობით, პროექტი 2016 წლიდან მოქმედებს და ამიერიდან ის წლიურად 50 000 ადამიანს შეეხება.
მსგავსი სტატიები:
ახალი კვლევის თანახმად, კოვიდ-19-ის გამომწვევ ვირუსს ზოგიერთ ზედაპირზე ყოფნა 28 დღის განმავლობაში შეუძლია
უნიკალური კადრები- ჯიხვები ლაგოდეხის ნაკრძალში(ვიდეო)
შეწყვიტეთ ფიქრი სრულყოფილებაზე…
მოსწავლის 20-დღიანი გამოუცხადებლობისას, საქმეში სოციალური მუშაკი ჩაერთვება
საქართველოში COVID-19-ის 1 792 ახალი შემთხვევა გამოვლინდა
ზურაბიშვილი “პრაიდზე”: “მე ვთვლი, რომ ყველას აქვს უფლება გამოიყენოს სიტყვის თავისუფლება”
ოზურგეთის თეატრის გვერდით არსებულ სკვერს არსენ კეჭაყმაძის სახელი მიენიჭა
2022 წლის ბოლოდან ყველა ტიპის თამბაქოს კოლოფი ერთნაირი იქნება