ეკონომიკისა და მდგრადი განვითარების მინისტრი, ნათია თურნავა ჯანდაცვის მინისტრის თანამდებობაზე ზურაბ აზარაშვილის წარდგენას გამოეხმაურა.
„ჩვენს გუნდს საკმაოდ მაღალი რანგის პროფესიონალი შემოუერთდა. ჩემი კოლეგა ეკონომისტი, ფინანსისტი. მივესალმები, რაც უფრო მეტი ეკონომისტი და ფინანსისტი იქნება წამყვან თანამდებობაზე, ეს წარმატების საწინდარია.
შეგახსენებთ, რომ ჯანდაცვის სექტორი მსხვილი ბიუჯეტის მქონე სამინისტრო და სექტორია. განსაკუთრებით კოვიდის პერიოდში მისი რესურსტევადობა უფრო მეტად გაიზარდა. კოვიდი, ჯერჯერობით, არსად წასულა და ეს გამოწვევა წინ არის; აქედან გამომდინარე, დღის წესრიგში დგება ამ თანხების მეტად ეფექტიანი განკარგვა; ეს ერთი ამოცანაა, რომელსაც ახალი მინისტრი თავისი გამოცდილებიდან გამომდინარე, უკეთ გაუმკლავდება, ვიდრე რომელიმე სხვა პროფესიის ადამიანი.
გარდა ამისა, ჩვენ გვაქვს ისეთი გამოწვევა, როგორიც ფასებია, მათ შორის ჯანდაცვის სერვისების. მოსახლეობისთვის ადეკვატური ხარისხის და ხელმისაწვდომი ფასების მქონე ჯანდაცვის სერვისები მიწოდება მნიშვნელოვანია და ესეც დიდად დამოკიდებულია ჯანდაცვის სექტორის რეფორმის შემდგომ ეტაპზე. ეს დამოკიდებულია სწორ გათვლებზე, ფინანსური ნაკადების სწორ მენეჯმენტზე. აქ იქნება ახალი მინისტრის და მისი ეკონომიკური გამოცდილების დიდი როლი“, – განაცხადა ნათია თურნავამ.
მსგავსი სტატიები:
მეუფე პეტრე შესაძლოა ეკლესიიდან განკვეთონ – 11 თებერვალს სინოდი იკრიბება
“დღეს იყავი ბედნიერი… იქნებ ღმერთმა წარღვნაც გადაიფიქროს”
“ზოგჯერ სხვას კია არა, საკუთარ თავს უნდა მოუგო ომი”
ცოტა რამ ქართველ ქალზე
“შე აბდალო, აქანე ამბავი უნდა მეიტანო”
გამყრელიძე-ადამიანი სოფელში სასაფლაოზე რომ გავა, მას ამას არავინ უკრძალავს
2020 წელს საქართველოში სიცოცხლის ხანგრძლივობა 0.7 წლით შემცირდა- კაცებისთვის – 69.1 ქალებისათვის – 77.7 წელი
ლანჩხუთში ლელო წელსაც არ ჩატარდება