რუსეთის მუდმივმა წარმომადგენელმა ევროკავშირში, ვლადიმერ ჩიჟოვმა ოთხშაბათს გერმანულ ტელეარხ WELT-თან ინტერვიუში უარყო ინფორმაცია, რომ ოთხშაბათს, 16 თებერვალს რუსეთი უკრაინაში შეიჭრება.
მისი თქმით, “ევროპაში ომები ოთხშაბათობით იშვიათად იწყება”.
“გარწმუნებთ, რომ ამ ოთხშაბათს თავდასხმა არ იქნება. არც მომავალ კვირას, ერთი კვირის შემდეგ, არც მომავალ თვეს, არ იქნება [სიტუაციის ესკალაცია რუსეთსა და უკრაინის საზღვარზე]. ევროპაში ომები იშვიათად იწყება ოთხშაბათს”, – თქვა ელჩმა.
მედიის ცნობით, ჩეჟოვმა ასევე აღნიშნა, რომ როცა ბრალდებებს აყენებენ რუსეთის შეჭრის თაობაზე, ვალდებულები არიან, მტკიცებულებები წარადგინონ, “წინააღმდეგ შემთხვევაში, ეს ცილისწამებაა”.
მან დასავლეთს კიდევ ერთხელ მოუწოდა სერიოზულად მოეკიდონ უსაფრთხოების პრობლემებს.
რუსეთმა ბელარუსში ერთობლივი სამხედრო წვრთნები 10 თებერვალს დაიწყო. პარალელურად მას უკრაინის საზღვრებთან 100 000-ობით ჯარისკაცი ჰყავს განთავსებული. ესკალაციის შემთხვევაში დასავლეთი მოსკოვს მკაცრი სანქციებით ემუქრება.
15 თებერვალს მოსკოვმა თქვა, რომ მისი სამხედრო ჯარების ნაწილი წვრთნებს ასრულებს და მუდმივი დისლოკაციის ადგილს უბრუნდება. დასკვნითი ღონისძიება ბელარუსსა და რუსეთს 19 თებერვალს აქვს დაგეგმილი.
უკრაინის პრეზიდენტმა განაცხადა, რომ არსებული ინფორმაციით, რუსეთი უკრაინას თავს 16 თებერვალს დაესხმება. მისი თქმით, უკრაინა დღეს უფრო ძლიერია ვიდრე ოდესმე და დანებებას არ აპირებენ.
მსგავსი სტატიები:
ჯანმრთელობაზე წინ ბიზნესს არ დავაყენებთ- ტიკარაძე
“უწიგნურობა, უწიგნურობა და კიდევ უწიგნურობა”
მათი სურვილების მიხედვით არ დავდივარ, ბოიკოტი ახლა უკვე მოსაფიქრებელი თემაა – თაკო ჩარკვიანი მამუკა ხაზარაძის განცხადებაზე
Edison Research: მოსახლეობის 68%-ის თქმით, ნამდვილად მივა თვითმმართველობის არჩევნებზე
“მოვუწოდეთ პარლამენტს, რომ შეაჩეროს მოსამართლეების დანიშვნის პროცესი და ვიმედოვნებ, რომ ეს ასე მოხდება”
ტიკარაძე, როგორც ექიმი, დაეთანხმა, რომ ციხეში სააკაშვილის მკურნალობა არაა მიზანშეწონილი-კონსილიუმის ექიმი
“„ოცნება“ ქვეყნის განვითარების მუხრუჭია და დროა ჩამოსცილდეს მართვის სადავეებს”-რომან გოცირიძე
გენერალ გიგი კალანდაძის საქმე – “ოცნებამ” გერმანიის სამართალდამცველებს მოატყუა