პრეზიდენტი ბაიდენი გამოსცემს განკარგულებას, რომელიც დონეცკსა და ლუგანსკში ამერიკულ ინვესტიციებს, ვაჭრობას და დაფინანსებას კრძალავს-თეთრი სახლი

თეთრი სახლი პუტინის მიერ ოკუპირებული დონეცკისა და ლუგანსკის ე.წ. „დამოუკიდებლობის“ აღიარების შესახებ განცხადებას ავრცელებს.

თეთრი სახლის პრესსპიკერის ჯენ ფსაკის განცხადებით, ჯო ბაიდენი გამოსცემს აღმასრულებელ ბრძანებას, რომელიც „აკრძალავს ახალ ინვესტიციებს, ვაჭრობას და დაფინანსებას ამერიკელი პირების მიერ უკრაინის ე.წ. დონეცკის სახალხო რესპუბლიკისა და ლუგანსკის სახალხო რესპუბლიკის რეგიონებში“.

ბრძანება ასევე გაითვალისწინებს სანქციების დაწესებას „ნებისმიერი პირის მიმართ, რომელსაც განზრახული ექნება იმოქმედოს უკრაინის ამ რეგიონებში“.

,,ჩვენ ველოდით მსგავს ნაბიჯს რუსეთისგან და მზად ვართ, პრეზიდენტი ბაიდენი მალე გამოსცემს აღმასრულებელ ბრძანებას, რომელიც აკრძალავს ახალ ინვესტიციებს, ვაჭრობას და დაფინანსებას აშშ-ს პირების მიერ უკრაინის ე.წ. დონეცკისა და ლუგანსკის სახალხო რესპუბლიკების ტერიტორიებზე, დაუყოვნებლივ ვუპასუხოთ. ასევე უზრუნველყოფს სანქციების დაწესების უფლებას ნებისმიერ პირზე, რომელიც გადაწყვეტს უკრაინის ამ რაიონებში ოპერირებას. სახელმწიფო დეპარტამენტები და ფინანსთა სამინისტრო დამატებით დეტალებს უახლოეს მომავალში გაავრცელებენ. ჩვენ ასევე მალე გამოვაცხადებთ დამატებით ზომებს რუსეთის საერთაშორისო ვალდებულებების დღევანდელ უხეშ დარღვევასთან დაკავშირებით“, – აღნიშნულია განცხადებაში.

ჯენ ფსაკის ინფორმაციით, აღნიშნული ზომები სხვა ეკონომიკურ ზომებს დაემატება, რომელსაც ისინი მოკავშირეებთან ერთად მოამზადებენ.

,,გასაგებად რომ ვთქვათ: ეს ზომები განცალკევებულია და დაემატება იმ სწრაფ და მძიმე ეკონომიკურ ზომებს, რომლებსაც ჩვენ ვამზადებთ მოკავშირეებთან და პარტნიორებთან კოორდინაციით, თუ რუსეთი შემდგომში შეიჭრება უკრაინაში“, – ვკითხულობთ თეთრი სახლის განცხადებაში.

მისი თქმით, ისინი აგრძელებენ მჭიდრო კონსულტაციებს მოკავშირეებთან და პარტნიორებთან, მათ შორის უკრაინასთან, შემდეგი ნაბიჯების შესახებ და რუსეთის მიერ უკრაინის საზღვრის გასწვრივ მიმდინარე ესკალაციის შესახებ.

გააზიარეთ და მოიწონეთ სტატია:

მსგავსი სტატიები:

მელია : “ოლიგარქმა გვითხრა, რომ არჩევნებს არ ჩაატარებს, მაგრამ ეს ძალადობაზე გადასული ამაო მცდელობაა… ” “ენკას” ბაზაზე სპეცრაზმი შეიყვანეს – რა ხდება ნამოხვანში – (ფოტოები) ვინ იქნება პარლამენტში ნაციონალური მოძრაობიდან “ცოტა ნამუსიანად მაინც არ უნდა მოიტყუოს? ბატონო პრემიერო არ მოგბეზრდათ?” – მალხაზ მაჩალიკაშვილი “მიშას თავისუფლებისთვის!” – სამოქალაქო აქტივისტები ახალ მოძრაობაში ერთიანდებიან არიან თუ არა პარლამენტში მაღალი ინტელექტის მქონე პირები? – ელისო ბოლქვაძის პასუხი სად არის პოლარიზაცია? – იმ პროპაგანდისტულ ტელევიზიებს გამორთავ და პოლარიზაცია არ არის – მამრაძე “ეს პროცესი ვერ გადაფარავს და ვერც ჩაანაცვლებს ვადამდელი არჩევნების თემას” – ბურჯანაძე პრეზიდენტის განცხადებებს ეხმაურება