ოზურგეთის მერიაში თანამშრომელთა მასიური დათხოვნა იგეგმება.
როგორც “გურიის მოამბისთვის” გახდა ცნობილი, გუშინ, ოზურგეთის მერმა, ავთანდილ თალაკვაძემ გამოსცა ბრძანება, რომელიც ოზურგეთის მერიის ყველა თანამშრომელს დაურიგდა.
როგორც ბრძანებაშია ნათქვამი, ოზურგეთის მერია მის დაქვემდებარებაში მყოფ სამსახურებში რეორგანიზაციას გეგმავს.
ბრძანების მიხედვით, რეორგანიზაცია სამ ეტაპად გახორციელდება. პირველი ეტაპი არის რეორგანიზაციის დაგეგმვა, მეორე ეტაპია სამართლებრივი ბაზის მომზადება, მესამე ეტაპი კი შტატების შემცირება და გასათავისუფლებელ მოხელეთა მობილობაა.
დღეს, რეორგანიზაციის პირველი ეტაპი უკვე დაიწყო, რომლის დასრულებაც იურიდიულ სამსახურს 28 თებერვლამდე დაევალა.
არსებული ინფორმაციით, რეორგანიზაციის საფარქვეშ “ქართული ოცნება” იმ პირთა სამსახურიდან განდევნას გეგმავს, რომლებიც მათ ბოლო ადგილობრივ არჩევნებში აქტიურად არ ეხმარებოდნენ. ასევე დაგეგმილია ყველა განსხვავებული აზრის მქონე თანამშრომლის სამსახურიდან დათხოვნა.
როგორც ბრძანებიდან ირკვევა, რეორგანიზაცია დაახლოებით 50 დღეს გასტანს, რომლის შემდეგაც გაირკვევა იმ პირთა ვინაობა, რომელთაც ოზურგეთის მერი სამსახურიდან დაითხოვს.
გავრცელებული ინფორმაციით, ოზურგეთის მერიის მოქმედ თანამშრომელთა აბსოლუტური უმრავლესობის თანამდებობიდან გაშვება იგეგმება. მათ ნაცვლად კი ის ადამიანები დასაქმდებიან, ვინც ბოლო ადგილობრივ არჩევნებზე “ქართული ოცნების” სასარგებლოდ მუშაობდა.
მსგავსი სტატიები:
“ოცნება” თავი არსით ანტიქართული მოვლენაა”
“ამოუვიდა ამ ხალხს უკვე ყველაფერი ყელში, ცვლილებებს ითხოვენ” – რა უთხრეს დღეს ოზურგეთში ანა დოლიძეს?
“საკანი 320..უკანონო პატიმარი” – ბესო ქათამაძე
“ბახმარო არის მაგალითი, როგორ შეიძლება გაავერანო ,მოსპო და განადგურო მარგალიტი, ასეთი დამნაშავე ხელისუფლების პირობებში”- არმაზ ახვლედიანი
როგორია ავთანდილ თალაკვაძისა და კონსტანტინე შარაშენიძის თანაფარდობა მეორე ტურის წინ?
ციხისფერდი და სილაური კოტე შარაშენიძემ მოიგო
”მერმა,ალექსანდრე სარიშვილმა საერთოდ აარიდა პასუხს თავი”-რას ითხოვს “ნაციონალური მოძრაობა” ლანჩხუთში
“თქვენ ხომ არ გცივათ კაბინეტში ბატონო გიორგი”? – ზარი ოზურგეთის მერის მოადგილეს ყვავილების ბაზრობიდან