განათლების სამინისტროს ინფორმაციით, უკრაინელი მოსწავლეები, რომლებიც ომის გამო უკრაინაში ვერ ახერხებენ ზოგადი განათლების მიღების გაგრძელებას და გამოხატავენ სურვილს, რომ სწავლა საქართველოში გააგრძელონ, სკოლებში გამარტივებული წესით ჩაირიცხებიან.
“საქართველოში სწავლის გაგრძელების მსურველებმა განცხადებით უნდა მიმართონ სასურველ სკოლას. უკრაინიდან ჩამოსულ მოსწავლეებს, სხვა ქვეყნების მსგავსად, საქართველო შესთავაზებს საჯარო და კერძო სკოლებში სწავლას როგორც სახელმწიფო, ასევე, სხვა ენებზე.
აღსანიშნავია, რომ დღეისათვის მოქმედი რეგულაციით, უცხო ქვეყნის მოქალაქეს, რომელსაც სურს საქართველოს სკოლაში სწავლის გაგრძელება, საკუთარ ქვეყანაში მიღებული განათლების აღიარების მიზნით, განაცხადით უნდა მიმართოს საქართველოს ხარისხის განვითარების ეროვნულ ცენტრს და წარმოადგინოს სხვადასხვა ტიპის დოკუმენტაცია. განათლებისა და მეცნიერების მინისტრის გადაწყვეტილებით, აღნიშნული რეგულაცია უკრაინიდან ჩამოსულ მოსწავლეებზე არ ვრცელდება და ისინი გამარტივებული წესით შეძლებენ საქართველოში სწავლის გაგრძელებას”, – ნათქვამია განათლების სამინისტროს განცხადებაში.
უწყების ცნობით, მოსწავლეების ჩარიცხვა შესაძლებელია იმ კლასში, რომელშიც ისინი სწავლობდნენ უკრაინის ზოგადსაგანმანათლებლო დაწესებულებაში, 2022 წლის 24 თებერვლის მდგომარეობით.
მსგავსი სტატიები:
მეუფე ნიკოლოზის ხუმრობა მედიასთან
მომღერალი თემურ წიკლაური მართვით სუნთქვაზე იმყოფება
ლარი დოლართან მიმართებაში 3 თეთრზე მეტით გაუფასურდა და ანტირეკორდი დაამყარა
მილიონი რუბლისა და 20 ათასი დოლარის უკანონო შემოტანის ფაქტი გამოვლინდა
საქართველოში მიწისძვრა მოხდა
“პედაგოგებო, გთხოვთ აიცერით – განათლების გარეშე თაობა ყველა პანდემიაზე უარესი იქნება” – კულუმბეგოვი
დეკანოიძე: კანიც კი მტკივა. 86 სიცოხლე… ამ დროს, ღარიბაშვილი ყეყეჩი ქალაქ-ქალაქ დადის ურცხვად
“დედამიწაზე ჰაერი მცირდება: NASA-ს გამოთვლით, ჟანგბადის კოლაფსი ახლოვდება” – რას წერს გერმანული გამოცემა?