დეკანოიძის დასალაგებელი და შესათანხმებელი არ არის – მდინარაძე ზელენსკის ჩართვაზე პარლამენტში

„ნაციონალური მოძრაობის“ წევრები ვიდრე ილაპარაკებენ ჩვენი მეგობარი ქვეყნის ლიდერის ჩართვაზე პარლამენტში და გამოსვლაზე, ჯერ ბოდიში მოიხადონ საქართველოს, ჩვენი სამშობლოს წინაშე, რაც ამ წუთამდე ამ მოთხოვნის დაყენებამდე აკეთეს საქართველოს დასაზიანებლად, – ამის შესახებ საპარლამენტო უმრავლესობის ლიდერმა, მამუკა მდინარაძემ პარლამენტის სხდომაზე განაცხადა.

მდინარაძე გამოეხმაურა „ნაციონალური მოძრაობის“ წევრის, ხატია დეკანოიძის განცხადებას, რომლის მიხედვითაც პრეზიდენტი ზელენსკის ადმინისტრაცია მზად არის, პრეზიდენტი ჩაერთოს საქართველოს პარლამენტს და მიმართოს საქართველოს საზოგადოებას.

მდინარაძის მტკიცებით, კიდევ ერთხელ დადასტურდა, რომ „ნაციონალური მოძრაობის“ წევრებმა უკრაინაში თავისი კონტაქტები გამოიყენეს საქართველოს დასაზიანებლად.

„უკრაინას ყველა პლატფორმიდან მხარს ვუჭერთ, ეს გააგებინონ, აუხსნან, ბოდიში მოიხადონ, რაც იბოროტეს საკუთარი ქვეყნის წინააღმდეგ და დავფიქრდებით, არათუ გადავწყვეტთ, დავფიქრდებით რომელიმე მათ წინადადებას სერიოზულად შევხედოთ თუ არა. ომისა და ღალატის პარტიის რომელიმე წინადადებას სერიოზულად შევხედავთ თუ არა, ბოდიშს რომ მოიხდიან ჰიბრიდული ომის წარმოების გამო, ამის შემდეგ დავიწყებთ ფიქრს.

ქალბატონი ხატია ამბობს, რომ ჩვენ დავუკავშირდით ადმინისტრაციას და გადაწყდა, რომ ჩაერთვება, ალაგებენ იქ ურთიერთობებს თავისი ჭკუით. ჯერ ქალბატონმა ხატიამ იმაზე იფიქროს, რომ მათი გამოისობით და დარწმუნებული ვარ, ლომის წილი ამაში მათ ქონდათ, თუ მთლიანად მათი შემოქმედება არ არის, ჩვენმა ქვეყანამ გაიწვია ამ ქვეყნიდან ელჩი.

დღეს უკრაინას საქართველოდან ელჩი ყავს გაწვეული და ისინი ახლა შუამდგომლობას აყენებენ ჩვენ წინაშე, რომ ამ ქვეყნის ხელმძღვანელი ჩაგვერთოს, ჯერ მათ უნდა იფიქრონ, როგორ გამოასწორონ მათი ნაბოროტალი საქმე. ამის შემდეგ დავფიქრდებით მათ დაყენებულ ამ და სხვა ნებისმიერ ინიციატივაზე სერიოზულად შევხედოთ თუ არა“, – განაცხადა მდინარაძემ.

მდინარაძემ ხაზგასმით აღნიშნა, რომ ასეთი საკითხები არ გვარდება ოპოზიციასა და რომელი ქვეყნის ხელისუფლებას შორის. მისი თქმით, ასეთი საკითხები გვარდება, ლაგდება და თანხმდება ორი ქვეყნის ხელისუფლებას შორის.

„ასეთ თემებს ალაგებენ ხელისუფლებები ერთმანეთთან მოლაპარაკებების გზით. რომელი მოლაპარაკებებიც ასე საჯაროდ არ ხდება, ხდება დახურულ ფორმატში. ხატია დეკანოიძის, „ნაციონალური მოძრაობის“, ომი და ღალატის პარტიის დასალაგებელი არ არის ჩვენი მეგობარი ქვეყნის ლიდერი წარდგება თუ არ წარდგება, რის გამო წარდგება, თუ არ წარდგება საქართველოს პარლამენტის წინაშე.

ამას საჭიროების შემთხვევაში დააინიცირებს საქართველო და მისი ხელისუფლება ან უკრაინა და მისი ხელისუფლება, ვისაუბრებთ ამ თემაზე, როდის არის საჭირო, რატომ როგორ და ა.შ. ხატია დეკანოიძის დასალაგებელი და შესათანხმებელი ეს თემა არ არის, მით უმეტეს იმ ადამიანის, რომელიც გამოდის უკრაინული ტელევიზიის ეთერში და ამბობს, რომ საქართველოა ის ქვეყანა, რომლის ხელისუფლებაც შავ ხვრელებს ეძებს, რომ პუტინს დაეხმაროს მკვლელობებში.

ამ ღალატის ავტორის დასალაგებელი არ არის ორ ხელისუფლებას შორის დასალაგებელი საკითხები. ნებისმიერი საკითხი, რასაც ისინი დააყენებენ, რაც არ უნდა კეთილშობილურ იდეად და მიზნად გვესახებოდეს თითოეულ ჩვენგანს, უნდა გავატაროთ ეჭვის უსერიოზულეს ფილტრში, პარალელურად რას გეგმავენ და რისთვის სჭირდებათ ეს ერთი შეხედვით კარგი რამ.

როცა დღეს მთელი ცივილიზებული სამყარო ებრძვის ბოროტებას, რუსულ ოკუპაციას, ჩვენ პარალელურად უნდა ვებრძოლოთ ყველა პოლიტიკურ არენაზე და პლატფორმაზე ამას რისკებს“, – განაცხადა მდინარაძემ.

მდინარაძის თქმით, უკრაინის შემდეგ საქართველო ყველაზე დიდი რისკის ქვეყანაა, უფრო მეტი რისკის შემცველი ქვეყანა, როგორიც საქართველოა, მსოფლიოში, დღეს ამ მოცემულობაში არ არსებობს.

„ამ ქვეყნის ხელისუფლებამ და მოსახლეობამ ამ გლობალურ რისკებთან ერთად, უნდა დააზღვიონ შიდა რისკები, რომელიც მოდის ომისა და ღალატი პარტიისგან. რა მოცემულობის გადატანა გვიწევს ჩვენ. შესაბამისად, ეს ხალხი არ გამოსწორდება. ჩვენ და საქართველოს მოქალაქეებს გვმართებს უდიდესი სიფრთხილე ყველა საკითხზე“, – განაცხადა მდინარაძემ.

დეპუტატმა „ერთიანი ნაციონალური მოძრაობიდან“ ხატია დეკანოიძემ განაცხადა, რომ პრეზიდენტი ზელენსკის ადმინისტრაცია მზად არის პრეზიდენტი ჩაერთოს პარლამენტში და მიმართოს საქართველოს საზოგადოებას საქართველოს პარლამენტიდან. ამით ის გამოეხმაურა „ლელო საქართველოსთვის“ ინიციატივას, უახლოეს დღეებში საქართველოს პარლამენტში სიტყვით გამოსვლისთვის მოიწვიონ ზელენსკი.

გააზიარეთ და მოიწონეთ სტატია:

მსგავსი სტატიები:

“გახარიას ჯერ პოლიტიკური აქტივობისა და გუნდის შექმნის შესახებ არ განუცხადებია” ტიკარაძე: “არ გამოვრიცხავ, რომ შეზღუდვები ისევ დაწესდეს” “ივანიშვილმა და ღარიბაშვილმა გადაწყვიტეს, ალაუფლების გამო, საქართველოს მოქალაქეების სიცოცხლეს შეუქმნან საფრთხე”-დეკანოიძე “მარტივი დილემა გვაქვს, გავხდეთ ქვეყანა, რომელიც კლავს, თუ გავხდეთ ქვეყანა, რომელიც იცავს ერთმანეთს” -ელენე ხოშტარიას მიმართვა აქციის მონაწილეებს ომბუდსმენის წარმომადგენელი გლდანის ციხის კლინიკაში შედის – ლომჯარია პროტესტის უკიდურესი ფორმა – სანატორიუმ “ქართლში” მცხოვრებმა დევნილმა სიცოცხლე თვითმკვლელობით დაასრულა ვიტალი კლიჩკო: კიევი იდგა, დგას და იდგება! “ჩვენ ადეკვატური ხალხი ვართ და მე ადეკვატური ქვეყნის პრეზიდენტი, ასევე, ორი შვილის მამა…” – ზელენკსი