დილით “აფრიკაში”, თვალჭრელიძის ქუჩაზე სახლები დაანგრიეს.
თბილისის მერიამ შენობების მფლობელებს მათი დემონტაჟისთვის 4 დღე მისცა. ეს ვადა გუშინ ამოიწურა.
ერთ-ერთმა მცხოვრებმა, აფხაზეთიდან დევნილმა კაცმა რადიო თავისუფლებას უთხრა, რომ მერიის თანამშრომლები დილის 7 საათზე მოვიდნენ.
“სახლში ვიყავით, დილის 7 საათი იქნებოდა. მოვიდნენ და დაანგრიეს. დაცალეთ სახლიო. რისი გამოტანაც მოვასწარით, გამოვიტანეთ. არც გვაცალეს გამოტანა. ბულდოზერები მოიტანეს. საწოლები, ტანსაცმელი ყველაფერი შიგნით ყრია, დანგრეულია ყველაფერი”. – თქვა რადიო თავისუფლებასთან ერთ-ერთმა მცხოვრებმა.
მისი თქმით, სახლს 2010 წლიდან აშენებს, თუმცა ამ წლების განმავლობაში გაფრთხილება არ მიუღია.
მერიამ “აფრიკაში” სახლების დემონტაჟი 15 დეკემბერს დაიწყო.
კახა კალაძემ აფრიკის დასახლებაში მიმდინარე მოვლენებთა დაკავშირებით რამდენჯერმე გააკეთა კომენტარი და თქვა, რომ მისი მერობის პერიოდში სახელმწიფო ქონების მიტაცებას არ დაუშვებს. მისივე მტკიცებით, მათ მიერ დანგრეულ შენობებში ხალხი არ ცხოვრობდა.
აფრიკის დასახლებაში ადგილობრივები აცხადებენ, რომ ისინი სალხს იშენებდნენ და ახალ წლამდე გადასვლას გეგმავდნენ. მათი ნაწილის თქმით, ქუჩაში რჩებიან და წასასვლელი არ აქვთ, აქამდე კი ქირით და ნათესავებთან ცხოვრობდნენ.
მსგავსი სტატიები:
პარლამენტის შენობის წინ აქტივისტები უკვე მივიდნენ
სანამ ჩვენს ხორცს არ იპოვიან ივანიშვილის მაცივარში, ევროპა ხმას არ ამოიღებს? – ნათელაშვილი
ბენ ჰოჯესი – საქართველოში ოპოზიცია დაზარალებული მხარეა
ხელისუფლება ვერ ხვდება რას სთხოვს დასავლეთი- ზურაბიშვილი
“სააკაშვილს არნახული მხარდაჭერა აქვს თუ ზენახული, ყველამ კარგად იცის”
ნიკა მელია თავისუფალია – საქალაქომ შუამდგომლობა დააკმაყოფილა
შეეგუოს უმრავლესობა ჟურნალისტების პროტესტს ან მოიქცეს ისე, რომ საპროტესტო განწყობაში არ ცხოვრობდეს — ახვლედიანი
“ქართულმა ოცნებამ” წინასაარჩევნოდ სიძულვილის მანქანა აამოქმედა