პარლამენტში ფაქტობრივად ფრაქციის სხდომები ტარდება, ეს პარლამენტი არ არის – თამარ ჩუგოშვილი

პარლამენტში შესვლის გადაწყვეტილებას ინდივიდუალურად ერთი ადამიანი მიიღებს, ორი თუ სამი, ეს აბსოლუტურად არ ცვლის იმ მოცემულობას, რომ დღეს ერთპარტიული პარლამენტი გვაქვს, – ამის შესახებ პარლამენტის ყოფილმა ვიცე-სპიკერმა, თამარ ჩუგოშვილმა საქართველოს პირველი არხის გადაცემაში „კვირის ინტერვიუ“ სტუმრობისას განაცხადა.

„პარლამენტს ვერც დავარქმევთ, რადგან ფაქტობრივად, ფრაქციის სხდომები ტარდება. მთელი პარლამენტი და ერთი პარტია დღეს აბსოლუტურად ერთი და იგივეა. ამიტომ, ეს პარლამენტი არ არის. პარლამენტი თავისი არსით არის წარმომადგენლობითი ორგანო, რომელიც წარმოადგენს სხვადასხვა ჯგუფს, საზოგადოების სხვადასხვა ნაწილს და სხვადასხვა მოსაზრებას. დღეს ჩვენ ეს არ გვაქვს და ჯერჯერობით, პირიც არ უჩანს, რომ ახლოს ვართ იმ მოცემულობასთან, როდესაც იქ ყველა პარტია აღმოჩნდება “, – განაცხადა ჩუგოშვილმა.