მიხეილ სააკაშვილის სამედიცინო ისტორიას პირადი ექიმი სწავლობს. 400 გვერდიანი დოკუმენტი ნიკოლოზ ყიფშიძეს კლინიკა ვივა მედის ადმინისტრაციამ გუშინ გადასცა. ახლა ყველა სამედიცინო დიაგნოზს, ჩატარებულ კვლევებსა და მკურნალობის სქემას პროფესორი ყიფშიძე ალტერნატიული კომისიის წევრ ექიმებთან ერთად ეცნობა.
პირველადი მონაცემებით კვლევების ნაწილში საგანგაშო ცვლილებებია, მათ შორის საუბარია ზურგის ტვინის დაზიანებასა და შესაძლო ოპერაციულ მკურნალობაზე. 13 დღიანი მკურნალობის კურსის შემდეგ სააკაშვილის მდგომარეობის გაუმჯობესება მნიშვნელოვნად ვერ მოხერხდა და დიაგნოსტირებული დაავადებების რაოდენობა იმდენად დიდია, რომ სამ ჯგუფადაა კლასიფიცირებული.
წამყვანი დიაგნოზები უკავშირდება კუჭ-ნაწლავის დაზიანებას, რაც 50 დღიანი შიმშილობის შედეგია; მეორე ჯგუფი – ფსიქონერვოლოგიური მიმართულებაა და საუბარია პოსტტრავმულ ნერვულ აშლილობაზე და მესამე ჯგუფი – ანამნეზის ძველი ისტორია, რომელიც სისხლის დაავადებას უკავშირდება.
მესამე პრეზიდენტის ექიმები ამბობენ, რომ ამ ყველაფრის მკურნალობა საქართველოში და იმ კლინიკაში, სადაც მიხეილ სააკაშვილია მოთავსებული, ძნელად წარმოსადგენია.
საკუთარი ჯანმრთელობის მდგომარეობის შესახებ მესამე პრეზიდენტმა განცხადება გუშინ თავად გაავრცელა. მოგვიანებით მასთან დაკავშირებით სპეციალური განცხადება გაავრცელა კლინიკა ვივა მედმაც, რომელიც უარყოფს, რომ იქ ყოფნის პერიოდში, მესამე პრეზიდენტის ჯანმრთელობის მდგომარეობა გაუარესდა.
მსგავსი სტატიები:
” რას ეუბნებით თქვენს ამომრჩეველს, რომელიც ახლა ამას კითხულობს”?!-ექსპერტები ოპოზიციას
“თუ რაიმე შენიშვნა მაქვს ხელისუფლების მიმართ, ხალხის ყოფიდან გამომდინარეა”
პრემიერი: “ვმუშაობთ, რომ გათავისუფლდნენ უკანონოდ დაკავებულები, მათ შორის, ზაზა გახელაძე და ირაკლი ბებუა”
ანა ჯაბაური ცოტნე გამსახურდიას ჯანმრთელობის მდგომარეობის შესახებ ბოლო ცნობებს ავრცელებს
ბოლქვაძე: საერთაშორისო პრესა დიდ დარტყმებს აყენებს საქართველოს იმიჯს, შევქმნათ ბერკეტი
”ხვალ დაელოდეთ კიდევ უფრო მაგარ ინფორმაციას..ავანსად გეტყვი პრემიერო,მაგრად გ….ვა”
უკრაინელი ჟურნალისტის ინფორმაციით, ოკუპანტებმა მელიტოპოლიდან მისი 75 წლის მამა გაიტაცეს
დავით რატიანი და გია ბერიაშვილი – გმირების უკანასკნელი გზა სამშობლომდე