რუსებმა ხარკოვთან ფოსფორის საბრძოლო მასალები გამოიყენეს

უკრაინის შეიარაღებული ძალების გენერალური შტაბის ინფორმაციით, რუსეთმა ხარკოვთან, ჩერკასი ტიჩკის დასახლებაში ფოსფორის საბრძოლო მასალები გამოიყენა.

ხარკოვის მიმდებარე ტერიტორიების დაბომბვა გრძელდება.

გარდა ამისა, უკრაინის გენშტაბის ინფორმაციით:

სლავიანსკთან რუსმა სამხედროებმა გადაჯგუფება დაასრულეს. ისინი ​დოვგენკოეს ​მიმართულებით მიიწევენ. დონეცკის მიმართულებით, სევეროდონეცკისა და ლისიჩანსკის რაიონებში რუსული არმია ცდილობს, ალყაში მოაქციოს უკრაინელი სამხედროები. მიმდინარეობს შეტევა სევეროდონეცკზე. რუსები ქალაქის აღმოსავლეთ ნაწილს აკონტროლებენ. სიმაღლეების ხელში ჩაგდების მიზნით, რუსული არმია ცდილობს დაიწყოს შეტევა მიკოლაევის მიმართულებით. გენშტაბის განცხადებით, ბოლო რამდენიმე დღის განმავლობაში, დონეცკისა და ლუგანსკის მიმართულებით, უკრაინელმა სამხედროებმა მოიგერიეს 5 შეტევა, გაანადგურეს 3 ტანკი, 4 საარტილერიო სისტემა, 11 ჯავშანტრანსპორტიორი და 26 მანქანა. ლიმანსკის მიმართულებით, რუსეთი ახორციელებს შეტევას სვიატოგორსკის მიმართულებით, ცდილობს უკრაინულ ჯარებს დაახევინოს მდინარე სევერსკი დონეცის მარჯვენა სანაპირომდე;იუჟნობუჟის მიმართულებით დანაღმული იყო მდინარე ინგულეცის სანაპირო.მიკოლაევის მიმართულებით რუს სამხედროებს სურთ, დაიბრუნონ დაკარგული პოზიციები სუხოი სტავკასა და ლოზოვოიეს ტერიტორიაზე.გენშტაბი აცხადებს, რომ რუსებმა მიკოლაევში მნიშვნელოვანი ზარალი განიცადეს და უკან დაიხიეს. უკრაინის საჰაერო თავდაცვამ ჩამოაგდო Ka 52 საბრძოლო ვერტმფრენი, სამი უპილოტო საფრენი აპარატი, ასევე, თვითმფრინავი – სავარაუდოდ სუ-34 და ოთხი საკრუიზო რაკეტა “კალიბრი”.არსებობს საჰაერო დარტყმის საფრთხე ბელარუსიდან. ბრესტის რაიონში, უკრაინის საზღვართან 11 ივნისამდე “წვრთნები”მიმდინარეობს.რუსებმა ცეცხლი გაუხსნეს ინფრასტრუქტურულ ობიექტებს სუმისა და ჩერნიგოვის ოლქებში.

გააზიარეთ და მოიწონეთ სტატია:

მსგავსი სტატიები:

მაიკ პომპეო განცხადებას ავრცელებს მამუკა ხაზარაძის მიმართვა “ოცნებას” მარტივი პოლიტიკური აქსიომები “გულდასაწყვეტია „ ქართული ოცნების” განცხადება, რომ აპირებს ცალმხრივად გავიდეს 19 აპრილის შეთანხმებიდან” გადაიყვანენ თუ არა მიხეილ სააკაშვილს ჰოსპიტალში – მესამე პრეზიდენტს ექიმთა კონსილიუმი ხვდება ოკუპაცია, უმუშევრობა, დესტრუქციული ძალები – რა აწუხებს ხალხს ღარიბაშვილის აზრით “საქართველო არ აპირებს მონაწილეობა მიიღოს რუსეთის მიმართ სანქციებში – ეს მხოლოდ დააზიანებს ჩვენს ქვეყანას” “რეკომენდებულია, არ იყოს დიდი თავშეყრები, კვება და ალკოჰოლის მირთმევა”