https://www.amerikiskhma.com/
სააგენტო „როიტერის“ ცნობით, უკრაინამ განაცხადა, რომ პარასკევს, მისმა ძალებმა შავ ზღვაში ორი „ჰარპუნის“ რაკეტით რუსულ სამხედრო ბუქსირს ესროლა. ეს პირველად ხდება, როდესაც უკრაინა აცხადებს, რომ რუსეთს დასავლეთის მიერ მიწოდებული ხომალდსაწინააღმდეგო იარაღით დაარტყა.
უკრაინის სამხედრო ფლოტმა განაცხადა, რომ ბუქსირს, რომელიც ოდესის რეგიონის გუბერნატორმა დაასახელა როგორც „ვასილი ბეხი“, რუსების მიერ ოკუპირებულ კუნძულზე ჯარისკაცები, იარაღი და საბრძოლო მასალა გადაჰყავდა.
რუსეთის თავდაცვის სამინისტროს კომენტარის გაკეთების შესახებ წერილობით გადაცემულ თხოვნაზე ჯერჯერობით პასუხი არ გაუცია.
უკრაინის სამხედრო უწყებამ „ტელეგრამზე“ გამოაქვეყნა ვიდეო, რომელშიც თქვა, რომ ორი რაკეტა „ჰარპუნი“ ხომალდს ხვდებოდა. „როიტერმა“ ვიდეოს დამოუკიდებლად გადამოწმება ვერ შეძლო.
„ჰარპუნის“ რაკეტები შედის უცხოური იარაღის იმ ფართო სპექტრში, რომელიც დასავლელმა მოკავშირეებმა უკრაინას მიაწოდეს. ეს რაკეტები უკრაინას დანიამ მიაწოდა.
რაკეტა „ჰარპუნი“ სამიზნესთან მისასვლელად აქტიურ რადარს იყენებს და დაცვის სისტემების გვერდის ასავლელად, წყლის ზედაპირთან ახლოს მიფრინავს. ამ რაკეტის გაშვება ხომალდებიდან, წყალქვეშა ნავებიდან, თვითმფრინავებიდან ან სანაპირო ბატარეებიდან შეიძლება.
მსგავსი სტატიები:
რატომ “გაქუსლა” ღარიბაშვილმა თბილისში – რა მოხდა უკრაინაში
34 230 ჯარისკაცი – რუსი ოკუპანტების დანაკარგი 22 ივნისის მონაცემებით
12 წლის გარდაცვლილი ბავშვის ოჯახის წევრები: „ესაჭიროებოდა ჟანგბადი და დროულად არ მოხდა მიწოდება“
ვერ ვიშორებთ ხელისუფალს, რომელმაც ჩამოაქცია ქვეყანა- ბოკუჩავა
დღეიდან სკოლაში ონლაინ სწავლების მსურველთა რეგისტრაცია იწყება
“მიდით ბიჭებო მიდით! როგორც ჩემი მეზობელი იტყოდა, ” თქვენ დეგეგცათ დაბადება”
“ნაცების არ ეშინიათ, რო კითხო, და პირველივე სესიიდან გაექცნენ კინწისკვრით”
უკრაინის ნებისმიერი ფორმით დახმარება 20-წლიანი პატიმრობით დაისჯება – რუსეთის პროკურატურა