რატომ “გაქუსლა” ღარიბაშვილმა თბილისში – რა მოხდა უკრაინაში

უკრაინის დამოუკიდებლობის დღისადმი მიძღვნილ აღლუმზე საქართველოს დროშაც აფრიალდა. სხვა ქვეყნების სამხედრო დანაყოფებთან ერთად, საზეიმო მსვლელობაში მონაწილეობა ქართული ჯარის დანაყოფმაც მიიღო. ღონისძიებას საქართველოს მესამე პრეზიდენტი მიხეილ სააკაშვილი ესწრებოდა.

კიევს დღეს უამრავი სტუმარი, უცხო ქვეყნის ლიდერები და მთავრობის წარმომადგენლები ეწვივნენ. ყირიმის პლატფორმის ყველა მონაწილე, ამ საზეიმო ღონისძიებაში მონაწილეობის მისაღებად, კიევში დარჩა, გარდა ღარიბაშვილისა.. არადა, ღარიბაშვილი, როგორც უკრაინის პარტნიორი სახელმწიფოს ლიდერი, პროტოკოლის მიხედვით უნდა დასწრებოდა ღონისძიებას..

ნაადრევი გამგზავრებით ღარიბაშვილმა სავარაუდოდ თავი აარიდა სამთავრობო ლოჟაში ყოფნას, სადაც სხვა ლიდერებთნ ერთად მიხეილ სააკაშვილიც იმყოფებოდა.