“სამარცხვინო სასამართლო გვყავს _ მოსამართლემ ჟურნალისტზე, ჩემს ოჯახზე თავდასხმაში დამნაშავეები დამნაშავედ სცნო, მაგრამ გაათავისუფლა”, _ ამის შესახებ ჟურნალისტმა ვახო სანაიამ, მის საქმეზე ბრალდებულების მიმართ გამოტანილ განაჩენთან დაკავშირებით აღნიშნა.
მისივე თქმით, ერთიანმა სისტემამ და ხელისუფლებამ, „ქართულმა ოცნებამ“ მოძალადეები გარეთ გამოუშვა.
„ის, რასაც ჩვენ ვამბობდით, სრულად გამართლდა. ივლისში შეეძლოთ გადაწყვეტილების გამოცხადება და აგვისტოს ბოლომდე სპეციალურად გაწელეს, იმიტომ, რომ 25 -ში 6 თვე შესრულებულიყო. მოსამართლემ ისინი დამნაშავედ სცნო, მაგრამ გაათავისუფლა. სამარცხვინო სასამართლო გვყავს. მოსამართლემ სპეციალურად აქამდე მიიყვანა ჟურნალისტზე თვდასხმის, ჩემს ოჯახზე თავდასხმის საქმე. ეს ქმნის ამ ქვეყანაში დაუსჯელობის სინდრომს და ამან მოიტანა 5 ივლისი, ჩვენი კოლეგის მკვლელობა.
მოსამართლემ დღეს რომ გამოუშვა ეს ადამიანები, იქნება იმის მაგალითი და გადამდები სხვებისვის, რაც ამ ქვეყნაში ხდება – დაუსჯელობის სინდრომი. ერთ-ერთი დამნაშავის, გიგაურის ოჯახი, სჭირდებათ არჩევნებისთვის იმიტომ, რომ არის გეგა გეგეშიძის ოჯახის წევრი, კორცხელის ამბების მონაწილეთა ოჯახის წევრი. სასარგებლო შრომაც დააკისრა მათ მოსამართლემ, თუმცა, რა სასარგებლო შრომა უნდა შეასრულონ?! ვნახეთ მისი სასარგებლო შრომა. სამარცხვინო სასამართლო გვყავს. ამ მოსამართლემ კიდევ ერთხელ დაამტკიცა და გაამართლა საზოგადოების მიერ სასამართლოსადმი დამოკიდებულება. რა მნიშვნელობა აქვს, ვინ რას გაასაჩივრებს, ამ ერთიანმა სისტემამ და ხელისუფლებამ, „ქართულმა ოცნებამ“ ეს ხალხი, მოძალადეები, გამოუშვა გარეთ“, – განაცხდა ვახო სანაიამ.
ცნობისთვის, სასამართლომ სამივე ბრალდებულს 6-თვიანი პატიმრობა შეუფართდა. მათი დაკავებიდან სწორედ 6 თვეა გასული, რაც იმას ნიშნავს, რომ ისინი დღესვე უნდა გათავისუფლდნენ.
მსგავსი სტატიები:
ნოდარ დუმბაძის შვილი „ქართული ოცნების“ სიაშია
“სტრასბურგში რითაც თავს სჭრიდნენ საქართველოს და სააკაშვილს, მოვიგეთ”
სააკაშვილს უნდა რამენაირად დაიბრუნოს ძალაუფლება- ღარიბაშვილი
“ნაცმოძრაობაში” რასაც პიარს ეძახიან, თაღლითობა ჰქვია ამ ყველაფერს”
სომხეთის რესპუბლიკის პრეზიდენტი არმენ სარქისიანი საქართველოშია
ჯო ბაიდენმა სახელმწიფო დეპარტამენტში დანიშვნების შესახებ განაცხადა
“15 მაისს თუ ბევრი ხალხი მოვიდა, ხელისუფლებამ უნდა დათმოს, თუ ცოტა, მაშინ ოპოზიციამ”
ყველას მოგიწოდებთ სიმშვიდისაკენ-საპატრიარქო განცხადებას ავრცელებს