ღრმად არის ჩართული ტერორიზმის დამფინანსებელი ქვეყნის დახმარებაში…უნდა მოემზადოს ივანიშვილი – არახამია

უკრაინის ფრაქცია “ხალხის მსახურის” თავმჯდომარე, დავით არახამია ეხმაურება ინფორმაციას იმის შესახებ, რომ რუსეთის მიერ სანქცირებული რუსული ნავთობის ტანკერი საქართველოში ჩამოვიდა.

არახამია ღიად წერს, რომ ამერიკაში ვიზიტის ფარგლებში ერთ-ერთი მთავარი განსახილველი თემა სწორედ ოლიგარქი ბიძინა ივანიშვილისთვის სანქციების დაწესებაა, რაც მისივე თქმით, ძალიან ახლო მომავალში მოხდება.

“შეერთებულ შტატებში ვიზიტის დროს ჩვენი დელეგაციის მუშაობის ნაწილი იყო ჩვენი მოკავშირეების გაცნობა რუსების მიერ გამოყენებული სქემების შესახებ სანქციების თავიდან ასაცილებლად.

ერთ-ერთი მათგანია საქართველოს იურისდიქციის გამოყენება. საქართველოს ხელისუფლება რუსეთს სანქციების გვერდის ავლით ეხმარება. როდესაც ეს ინფორმაცია ამერიკისთვის გახდა ხელმისაწვდომი, ქართველი ჩინოვნიკებისგან ბევრი სიტყვა მოვისმინეთ, რომ ეს სიმართლეს არ შეესაბამება.

მაგრამ დროთა განმავლობაში სულ უფრო და უფრო ჩნდება ობიექტური ინფორმაცია, რომელიც ადასტურებს ჩემს სიტყვებს.

საზღვარგარეთ ტრანზაქციების შესახებ მონაცემები და საქართველოდან ბევრი დეპუტატისა და მინისტრის ანგარიშები მალე უფრო ხელმისაწვდომი გახდება. და, რა თქმა უნდა, ბ-ნი ივანიშვილის კავშირებზე, რომელიც ძალიან ღრმად არის ჩართული ტერორიზმის დამფინანსებელი ქვეყნის დასახმარებლად სანქციების გვერდის ავლაში.

მაგრამ მე უნდა გავუცრუო იმედები ყველას, ვინც გადაწყვიტა ფულის გამომუშავება უკრაინელების სიკვდილის ხარჯზე. ასე არ იქნება. და პირველი უნდა მოემზადოს ბატონი ივანიშვილი. ჩვენ მალე გავფრინდებით და ეს არ არის ტურისტული მოგზაურობა”,- წერს დავით არახამია.

შეგახსენებთ, დღეს ცნობილი გახდა, რომ სანქცირებული რუსული ტვირთი ბათუმის პორტში – თურქეთის დროშის ქვეშ მცურავი ტანკერი “ესენკა” ახლა ბათუმის ნავთობტერმინალში დგას. “მთავარ არხს” წყარო უყვება, რომ გემი რუსული სანქცირებული კომპანიის “როსნეფტის”, 30 000 ტონამდე ვაკუუმ გაზოილით არის დატვირთული.

გააზიარეთ და მოიწონეთ სტატია:

მსგავსი სტატიები:

დღეს ნანა მჭედლიძის დაბადების დღეა – რეჟისორი 95 წლის გახდებოდა ლიხაურის პირვანდელი სახელი ,, რეხუელი“ იყო “გურულებისადმი ყველაზე გამორჩეული ხალხისადმი კიდევ ერთხელ მინდა გამოვხატო ჩემი პატივისცემა”-ირაკლი მახარაძე მშობლების მოთხოვნით, ნინოწმინდის პანსიონიდან დღეს დილით 5 ბავშვი გაიყვანეს საქართველოს 16-მა მოქალაქემ ავღანეთი დატოვა მოუთმენლად ველი ბევრი ადამიანის ხმის გაგონებას რუსთავში სუს-ი “სიგნალის მიმღებ” და “ჩამწერ მოწყობილობებს” საიდუმლო წესით ყიდულობს ”ამ დიდ გარდამტეხ მომენტს ამ ჩმორი ხელისუფლებით რატომ უნდა ვხვდებოდეთ”