საქართველოს მესამე პრეზიდენტი დემოკრატი სენატორის, ჯინ შაჰინის განცხადებას ეხმაურება, რომელმაც ხელისუფლების მშვიდობიანად გადაცემის მაგალითად საქართველოს 2012 წლის მაგალითი მოიყვანა.
“მთავარ აქცენტებში” საუბრისას მიხეილ სააკაშვილი ამბობს, რომ თავის დროზე, საქართველოს დემოკრატიის შუქურა უწოდა აშშ-ს პრეზიდენტმა ჯორჯ ბუშმა, ახლა კი სენატორმა შაჰინმა პრაქტიკულად იგივე გაიმეორა.
“იყო დრო, როცა საქართველო ქმნიდა მსოფლიო ისტორიას. ეს იყო დრო იმ 9 წელიწადში, რომელსაც ეს უდღეურები, რომლებსაც არაფერი გაუკეთებიათ 9 წელი, სისხლიან 9 წელს ეძახიან…ჩვენ ვქმნიდით მსოფლიო ისტორიას, ამერიკის პრეზიდენტი გვეძახოდა დემოკრატიის შუქურას, ახლა იგივე გაიმეორა სენატორმა შაჰინმა. ჩვენ არ ვიყავთ პატარა სოფელი და ჩვენ ისევ აღარ ვიქნებით პატარა სოფელი” – ამბობს მიხეილ სააკაშვილი.
შეგახსენებთ, კაპიტოლიუმში დონალდ ტრამპის მხარდამჭერების შეჭრის შემდეგ, კონგრესის სხდომაზე, სადაც ამომრჩეველთა კოლეგიის ხმები უნდა დაეთვალათ, სესიაზე სიტყვით გამოსვლისას, დემოკრატმა სენატორმა, ჯინ შაჰინმა საქართველოს შესახებ ისაუბრა. ჯინ შაჰინმა აღნიშნა, რომ 2012 წელს საქართველოს მაშნდელმა პრეზიდენტმა, მიხეილ სააკაშვილმა ივანიშვილს ხელისუფლება მშვიდობიანად გადასცა.
მსგავსი სტატიები:
ომბუდსმენი: წლების განმავლობაში რელიგიურ დაპირისპირებებს სამართლებრივი შედეგი არ მოჰყოლია
მოქალაქეების მიზნობრივ სოციალურ დახმარებაზე გიორგი გახარიამ ისაუბრა
“წულუკიანმა ჩატეხა მორალური ფსკერი”- ხუხაშვილი
დაუმარხავი პოლიტიკური ორგანო- სამადაშვილი პარლამენტზე
ფიზიკურ განადგურებაზე არ დაიხევს უკან- გოგოლაძე ივანიშვილზე
“მეორე მხარესაც აქვთ ასეთი რუკები”- ინტერვიუ ივერი მელაშვილთან
ნიკა მელიას სასამართლო სხდომა გადაიდო
გიგა ბოკერია “ევროპული საქართველოს” თავმჯდომარედ აირჩიეს