უკრაინის უსაფრთხოების სამსახურმა [SBU] დააკავა რუსეთისთვის მომუშავე აგენტი, რომელიც აგროვებდა ინფორმაციას უკრაინისთვის დასავლური იარაღის მიწოდებაზე. SBU-ს ინფორმაციით, რუსეთისთვის საიდუმლო ინფორმაციის გადაცემის მცდელობა აღკვეთილია:
“საგამოძიებო მოქმედებების დროს დააკავეს რუსი აგენტი, რომელიც აგროვებდა სადაზვერვო ინფორმაციას უკრაინაში, უცხოური იარაღისა და საბრძოლო მასალის შესყიდვისა და მიწოდების შესახებ. უპირველეს ყოვლისა, თავდამსხმელს აინტერესებდა საიდუმლო ინფორმაცია იმპორტირებული სამხედრო ტექნიკის შესახებ.” – ნათქვამია უწყების განცხადებაში.
მათივე ცნობით, მიღებული ინფორმაციის საფუძველზე, ოკუპანტები აპირებდნენ სარაკეტო თავდასხმებს უკრაინის ინფრასტრუქტურულ ობიექტებზე, რომლებიც გამოიყენება სწორედ უცხოური იარაღის ტრანსპორტირებისთვის.
გარდა ამისა, მტერი აპირებდა ამ ინფორმაციის გამოყენებას თავდაცვის სფეროში, უკრაინისა და პარტნიორი ქვეყნების ხელშეკრულებების ჩასაშლელად. საიდუმლო ინფორმაციის შესაგროვებლად ის პირად კავშირებს იყენებდა.
„გამოძიების თანახმად, მოღალატე არის კიევის მკვიდრი, რომელიც თავს სამხედრო ექსპერტად ასაღებდა. დადგინდა, რომ იგი დაიბარა რუსეთის სპეცსამსახურების თანამშრომელმა დედაქალაქის ტერიტორიაზე სადაზვერვო-დივერსიული მოქმედებების განსახორციელებლად.“- აცხადებს SBU.
სამართალდამცველებმა დაკავებულის საცხოვრებელი ადგილის ჩხრეკისას აღმოაჩინეს ელექტრონული საშუალებები, რომლითაც იგი რუს „კურატორთან“ კონტაქტობდა.
მსგავსი სტატიები:
შალვა ნათელაშვილმა დანიელსონთან შეხვედრა პროტესტის ნიშნად დატოვა
ვფიქრობთ, კონსენსუსზე დაფუძნებული ამნისტიის პროექტი გვექნება- წილოსანი
თურნავა-ჩვენ ადამიანის უფლებების დაცვის ერთგული მთავრობა ვართ
“საშიშია ამ ქვეყნად წოდებულ საგიჟეთში ცხოვრება, დროა გავასწროთ, ვისაც შეგვიძლია”
“5-6 ივლისი იყო დიდი სირცხვილი ხელისუფლებისთვის…სახელმწიფომ თავის პასუხისმგებლობას თავი ვერ გაართვა”- საია-ს კვლევა
ლაგამამოდებული ადამიანისგან სიტყვა აღვირახსნილი არ უნდა გვეწყინოს – ჩარკვიანი
“მსოფლიომ რეაგირება ახლა უნდა მოახდინოს…მასობრივი განადგურების იარაღის გამოყენების შემდეგ…რეაქცია აღარაფერს შეცვლის”- ზელენსკი
კობახიძე ოპოზიციაზე: ბოლშევიკები, რეინკარნირებული ორჯონიკიძეები არიან